Ezai 54:9 - NYANMIƐN NDƐ'N 1998

⁹ N wa yo kɛ Noe blɛ su'n sa, n tali nda kɛ Noe blɛ su nzue dan b'ɔ tɔli'n, ɔ su tɔ-man sɔ di-man asiɛ'n kun. N su ta nda ndɛ ekun kɛ n su fa-man amún wun ya kun, yɛ n su kan-man ndɛ kekleekle n kle-man amun kun.

Ezai 54:9 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Zɔb I Nyrɛnnɛn Wunlɛ 11:16

Yɛ ɔ́ wla ɔ ´fi wɔ afɛ'n, ɔ ´yo kɛ nzue bɔ ɔ'a sonji ɔ'a wɔ'n sa.

Jue Mun 104:9

A kleli i juwlɛ, ɔ waan nán ɔ kpɛ i juwlɛ sɔ'n, ɔ waan nán ɔ wɔ lele ɔ di asiɛ'n kun.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 49:18

Amun `man amún nyin'n su be nian-nian, amun mma'm be kwlaa b'a yia be su ba amún sin.» Anannganman seli ekun kɛ: «N kan m bɔbɔ min ti! Sɛ be ti bé wun wlawlalɛ like'n, wuun amun ´fa be wlawla amún wun. Sɛ be ti kplo'n, wuun n ´se kɛ amun ´fa be ci amun afiɛn kɛ bla kun b'ɔ su kɔ aja'n ɔ fɛ i cisu ci i afiɛn'n sa.

Ezai 51:22

Amun Min Anannganman Nyanmiɛn'n, b'ɔ jin i nvle'n nun sran'm be sin'n, i waan: «Min ya b'ɔ ti kɛ nzan b'ɔ bo sran sa'n, n ´de i onga b'ɔ ka'n amún sa nun. Amun su nɔn-mɛn i kun.

Ezai 51:6

Amun `man amún nyin'n su be `nian nglo lɔ, amun `kan amún ti ase be `nian asiɛ'n. Afin nyanmiɛn'n su ɔ ´kpɛ wiaa kɛ sin wɛnsrɛn b'ɔ wie'n sa. Asiɛ'n ɔ ´saci kɛ tralɛ b'ɔ titi'n sa, yɛ i su sran'm be ´wu kɛ ngɔnsiɛn'm be sa. Sanngɛ delɛ nga n ´de sran mun'n, ɔ su yo-man le kunngba liɛ, n ´yo i sɔ tititi. Yɛ n su yaci-man sa kpa'n i yolɛ le .

Ezai 51:8

Afin be agualiɛ'n ɔ ´gua be kɛ tralɛ bɔ nvɔlɛ ɔ'a di'n sa, yɛ ɔ ´gua be kɛ bua ndrɛ tralɛ bɔ kakaa'm b'a saci i'n sa. Sanngɛ n ´yo sa kpa'n tititi, yɛ delɛ nga n ´de sran mun'n, ɔ su yo-man le kunngba liɛ, n ´yo i sɔ blɛ'n kwlakwla.»

Ezai 55:11

kɛ min ndɛ b'ɔ fin mín nuan fite'n ɔ ti sɔ-ɔ, sɛ ɔ ti sran'n, wuun n ´se kɛ ɔ sɛ-mɛn i sin mín wun wa sa ngbɛn, san ɔ ´yo min klun sa, san ɔ ´yo nga bɔ i ti yɛ n sunmɛnnin i'n.»

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Zeremi 31:37

Cɛn nga be sunnzun nglo lɔ lika nin-ɔn ɔ yo ye'n, cɛn nga be wun asiɛ'n i bo lɔ ninnge'm be kwlaa'n, ɔ yo ye'n, i cɛn sɔ'n nun yɛ Izraɛlfuɛ'm be sa tɛ bɔ be yoli'n ti, n ´yi be blo-ɔ.» Anannganman'n yɛ ɔ kan sɔ-ɔ.

Ezekiɛl 16:42

N ´fa min ya'n n gua ɔ su, kpɛkuun n su si-man ɔ ti kwla kun. N ´gua min ya'n i ase, n fa-man ɔ wun ya kun.

Ezekiɛl 39:20

Blɛ bɔ amun ´di min aliɛ'n, amun ku ´yi. Amun ´di nnɛn kpanngɔ nin nnɛn kpanngɔ su fufuɛ'm be nnɛn. Amun ´di safunyrɛn nin sonja'm be kwlaa be nnɛn .› » Anannganman Nyanmiɛn'n yɛ ɔ kan sɔ-ɔ.

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.