Ezai 54:4 - NYANMIƐN NDƐ'N 1998

⁴ Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Ezai 54:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:16

Yɛ ɔ́ wla ɔ ´fi wɔ afɛ'n, ɔ ´yo kɛ nzue bɔ ɔ'a sonji ɔ'a wɔ'n sa.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 29:22

I sɔ'n ti Anannganman b'ɔ deli Abraam'n, ɔ kan kle Zakɔb i osu nunfuɛ'm be kɛ: «Kɛ ɔ fin ndɛ'n, Zakɔb i nvle'n nunfuɛ'm be su wun-man nyannzuɛn kun, yɛ be nyrun'n su kpa-man fuai kun.

Ezai 4:1

I cɛn sɔ nun'n, bla nso be ´tra yasua kun, yɛ be se i kɛ: «E bɔbɔ e ´kunndɛ e like e ´di, e ´kunndɛ é tannin e ´kla. Ɔ dunman'n cɛ yɛ e waan a `fa sie e su nan e nyrun nyannzuɛn ɔ wie-ɔ!»

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 50:7

Anannganman Nyanmiɛn ukali min, i ti min nyin a gua-man ase. N trali min anwlɛn kekle kpa. N si kɛ nyannzuɛn su kun-man min.

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 61:7

«Nyannzuɛn su kun-man amun, sanngɛ amun ´nyan nyrun kpa. Amún nyin su gua-man ase, sanngɛ amun klun ´jɔ like kpa bɔ amun ´nyɛn i'n ti. Amun ´nyan aja ninnge sɔ kpɛ nnyɔn amun mɛn'n nun. Yɛ amun klun wa jɔ anannganman-anannganman.

Ezai 65:16

Mɛn'n nga nun wa'n, be nga be klo kɛ be `yra be nguan'n, be ´se kɛ be `bo min Nyanmiɛn bɔ n ti nanwlɛfuɛ'n min dunman yɛ be `fa yo-ɔ. Be nga be waan be ´ta nda'n, be ´bo min Nyanmiɛn bɔ n ti nanwlɛfuɛ'n min dunman yɛ be ´fa ta-a .› » «Bé wla wa fi laa nyrɛnnɛn liɛ mun, n su wun-man nyrɛnnɛn sɔ mun kun.

Zeremi 31:19

E kacili é sin sili wɔ, siɛn'n, y'a kaci ajalɛ'n. E bɔbɔ e wun kɛ nga e yoli'n ɔ'a yo-man kpa. Ɔ man e fin e wue'n nun. E gbanflɛn nun sa nga e yoli'n ɔ yo e nyannzuɛn.›

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ezekiɛl 16:22

Blɛ bɔ a ´si blɔdɛ'n i tɛtɛ kpa'n, ɔ́ wla ɔ'a kpɛn-man ɔ kaan nun su, kɛ ɔ yo sɔ'n, wuun ɔ wun ti ngbɛn'n, wuun like fi nun-man ɔ́ wun yɛ a la kondo ɔ mmoja'n nun.»

Ezekiɛl 16:43

Ɔ wla ɔ'a kpɛn-man nga n yo m mannin wɔ i nun bɔ a tɛ yo kaan'n i su, yɛ a kunnin min ya wɔ aeliɛ'm be nun. I sɔ'n ti n wa yo a wa sua ɔ́ sa tɛ'n i su afɛ'n. Min Anannganman Nyanmiɛn'n yɛ n kan sɔ-ɔ. ?Kɛ a ´yo tete sa sɔ mun'n, w'a yo-man nyannzuɛn sa uflɛ mun ekun?»

Ezekiɛl 36:15

N ´yo man a su ti-man nvle-nvlefuɛ'm be nzowa kpɛlɛ'n kun. A su wun-man nyannzuɛn nvle-nvlefuɛ'm bé sa nun kun. Afin ɔ mɛn nun'n be su kun-man ba kanngan'm be kun.› » Anannganman Nyanmiɛn yɛ ɔ kan sɔ-ɔ.

Zoɛl 2:21

Asiɛ'n sufuɛ mun, nán amun koko kun, man amun klun jɔ. Afin Anannganman'n su di junman dandan, i ti, man amún wun blibli amun.

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

1 Piɛr 2:6

Afin be klɛli i Nyanmiɛn Ndɛ'n nun kɛ: «An `nian, n fali yɛbuɛ kpa kun bɔ n ´sie i Siɔn lɔ kɛ yɛbuɛ kpa b'ɔ tra sua'n i cɔnjɔ'n i ase'n sa, sran ng'ɔ lafi i su'n, i nyin su gua-man ase .»