Ezai 54:3 - NYANMIƐN NDƐ'N 1998

³ Afin amun wa trɛ kɔ fama su nin bɛ su. Amun osu'n nunfuɛ'm be ´fa nvle-nvle mun, yɛ be ´tran klɔ nga be ´ka lɛ ngbɛn'n bé su.

Ezai 54:3 ပူးပေါင်းရင်းမြစ်များ

Bo Bolɛ 26:22

Ɔ yacili i lɛ ko kpɛli gbo kun ekun, b'a kɛn-mɛn i li su ndɛ kun nan ɔ'a flɛ i kɛ Reobɔt. Reobɔt i bo'n yɛlɛ lika tɛtrɛ. I waan: «Anannganman ɔ'a yo man y'a kpɛn lika gbaun nun, ɔ man e wa nyan ye lika nga nun.»

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 14:2

Aofuɛ'm be wa fa Izraɛlfuɛ mun ba Izraɛl asiɛ'n su. Izraɛlfuɛ'm be ´sɔ aofuɛ sɔ'm be nun kɛ be aja like sa Anannganman i asiɛ'n su. Be ´fa be ´yo kanga bla mun nin kanga yasua mun. Be nga bɔ be wlali Izraɛlfuɛ'm be bisua'n, be ´wla be bisua wie. Yɛ be wa sie be nga be tinnin be su laa'n.

Ezai 26:15

Anannganman, wɔ man y'a trɛ, wɔ man y'a sɔn, yɛ w'a nyan nyrun. A trɛli e mɛn'n nun.

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Ezai 48:19

Sɛ amun yoli sɔ'n, wuun amun osu'n nunfuɛ'm be ´sɔn kɛ aunnyan sa, wuun amun mma'm be ´sɔn kɛ jenvie nuan aunnyan'n sa, yɛ be dunman'n su nunnun-man ń sa nun le .»

Ezai 49:12

Be yɛ be ´ba yɛ, be fin mmua, wie'm be fin mɛn'n i nglo lɔ, wie'm be fin wia atɔliɛ, wie'm be fin mɛn'n i ngua lɔ Ezipt lɔ.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Ezai 52:9

Amun Zerizalɛmfuɛ kanngan nga amun ka lɛ'n, amun `bo sro likawlɛ! Afin Anannganman ɔ'a fɔnvɔ i nvle'n nunfuɛ mun, ɔ'a kpɔ Zerizalɛmfuɛ'm bé ti.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 55:5

Izraɛlfuɛ mun, amun kusu amun `nian, amun wa flɛflɛ nvle-nvle wie'm be nun sran bɔ amun si-man be'n, yɛ sran sɔ'm bɔ be si-man amun'n, be wa wanndi be ba amún sin. M bɔbɔ min Anannganman bɔ n ti amun Nyanmiɛn'n m bɔ man amun lɛ nyrun'n, min ti yɛ be ´ba-a.»

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 11:12

Sɛ Zuif'm bé sa tɛ yolɛ'n ɔ yoli mɛn nunfuɛ'm be ye dan'n, yɛ sɛ be nvle'n i bolɛ'n ɔ yoli be bɔ be ti-man Zuif'n be ye'n, wuun kɛ be ko nyan bé ti mlɔnmlɔn'n, ɔ ´yo wie'm be ye kpɛ blu!

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.