Ezai 53:7 - NYANMIƐN NDƐ'N 1998

⁷ Kɛ be ´kle i yalɛ'n, ɔ kɛnnin i wun ase, ɔ yoli kɛ bua bɔ be su fɛ i ´kɔ i kunlɛ'n sa, ɔ yoli kɛ bua bɔ kɛ be ´kpɛkpɛ i ndrɛ'n ɔ kpan-man'n sa, ɔ'a uke-mɛn i nuan.

Ezai 53:7 ပူးပေါင်းရင်းမြစ်များ

Jue Mun 38:14

N kusu m bu min sukpɔ nun waka, n yo kɛ n ti-man sa. N yo kɛ bobofuɛ sa n uke-man min nuan.

Jue Mun 38:15

N yo kɛ sutrefuɛ sa n tɛ-man ndɛ fi su.

Jue Mun 44:22

ɔ lɛ kɛ a su si-man nun? Afin a si be klun lɔ sa'n kwlaa.

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Zeremi 11:19

Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

Marc 14:61

Jésus trannin bliin, ɔ'a uke-mɛn i nuan. Nyanmiɛn nyrun jranfuɛ'm be su kpɛn'n usɛli i ekun kɛ: «?Krist, Nyanmiɛn bɔ be yi i ayɛ'n i Wa'n yɛlɛ wɔ?»

Marc 15:5

Sanngɛ Jésus a tɛ-man ndɛ fi su kun, ɔ man Pilat i nuan boli i wun kpa .

JÉSUS-CHRIST I DYASIN FE'N BO LUC KLELI'N 23:9

Ɔ usali Jésus sa kpanngban kpa, sanngɛ ɔ'a tɛ-man wie fi su .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 19:9

Ɔ wluli i awlo lɔ ekun, yɛ ɔ usali Jésus kɛ: «?A fin ye sɛ?» Sanngɛ ɔ'a tɛ-mɛn i su.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

Sa nglô yile 5:6

Yɛ n wunnin Bua Gbanflɛn kun ɔ jin bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be afiɛn lɛ. Ɔ ti kɛ b'a kun i sa. I wuɛ'n ti nso, yɛ i nyinma'n ti nso, be yɛ be ti Nyanmiɛn Wawɛ nso b'ɔ sunmannin be mɛn wunmuan'n nun nin-ɔn .