Ezai 53:6 - NYANMIƐN NDƐ'N 1998

⁶ E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezai 53:6 ပူးပေါင်းရင်းမြစ်များ

Bo Bolɛ 22:6

Yɛ Abraam ´fa yie'n tɛkɛ i wa Izaak ti su-ɔ, yɛ i bɔbɔ ´fa sin'n nin laliɛ nin-ɔn, yɛ be sran nnyɔn'n be ´nanti be ´kɔ-ɔ.

Jue Mun 119:176

N ti kɛ bua b'ɔ wlan daan sa. Kunndɛ min bɔ n ti ɔ sufuɛ'n, afin n wla fi-man ɔ mmla'm bé su .

Jue Mun 69:4

N kpan lele n fɛ ngbɛn, min alowa'n yo min ya siɛn'n. Min Nyanmiɛn, n nian wɔ atin lele ngbɛn.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Ezai 53:5

Sanngɛ é sa tɛ'm bɔ e yo be'n be ti yɛ ɔ nyannin kannin mɔnnɛn-mɔnnɛn i wunnɛn'n su-ɔ. E fɔnlɛ bɔ e fɔn'n, i ti yɛ be sisili i wunnɛn nin-ɔn. E fɔ b'ɔ fata kɛ be tu ye nan y'a nyan aunjuɛ'n yɛ ɔ tɔli i su-ɔ. Yɛ i wunnɛn'n susuwa'n nin i kannin'm be ti yɛ man e yo juejue-ɔ.

Ezai 53:7

Kɛ be ´kle i yalɛ'n, ɔ kɛnnin i wun ase, ɔ yoli kɛ bua bɔ be su fɛ i ´kɔ i kunlɛ'n sa, ɔ yoli kɛ bua bɔ kɛ be ´kpɛkpɛ i ndrɛ'n ɔ kpan-man'n sa, ɔ'a uke-mɛn i nuan.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 55:8

Anannganman wan yoo: «Min klun akunndan'n nin amun liɛ'n ti-man kun. Atin nga amun fa su'n nin min liɛ'n ti-man kun.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Ezai 6:7

Ɔ fa kannin mín nuan'n yɛ ɔ seli kɛ: «Nga ɔ'a kan ɔ́ nuan bui mun, ɔ́ sa tɛ'n ɔ'a wie, b'a yaci ɔ fɔnlɛ mun b'a cɛ wɔ.»

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 50:6

Min nvle'n yoli kɛ bua fa kun bɔ b'a mlin'n sa. Be kankanfuɛ'm be mlinnin be. Ɔ man be wlan oka'm be su sa daan! Be fu oka nga su, be jra be ko fu kpɔlɛ nga su. Be si-man be osu atin'n kun .

Ezekiɛl 3:18

Sɛ n se sa tɛ yofuɛ kun kɛ ɔ su wa wu'n, sɛ w'a kan kle-mɛn i'n, sɛ w'a se-mɛn i kɛ ɔ kaci i nzuɛn tɛ'n nan ɔ'a fite nun'n, sa tɛ yofuɛ sɔ'n ɔ ´wu i sa tɛ'n nun. Sɛ ɔ wu i sa tɛ'n nun kusu'n, e nin wɔ e lɛ i.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Rɔmfuɛ Mun 4:25

Nyanmiɛn yili i kɛ ɔ wa wu sa nga e yoli'n ti, yɛ e sran kpa bulɛ ti yɛ ɔ cɛnnin i-ɔ .

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

Jɔlɛ Difuɛ Mun 21:25

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.