Ezai 52:9 - NYANMIƐN NDƐ'N 1998

⁹ Amun Zerizalɛmfuɛ kanngan nga amun ka lɛ'n, amun `bo sro likawlɛ! Afin Anannganman ɔ'a fɔnvɔ i nvle'n nunfuɛ mun, ɔ'a kpɔ Zerizalɛmfuɛ'm bé ti.

Ezai 52:9 ပူးပေါင်းရင်းမြစ်များ

Jue Mun 102:22

I waan ɔ ´yo sɔ nan sran sɔ'm be `bo i dunman'n be sin Siɔn lɔ, nan be `to jue be mɛnmɛn i Zerizalɛm lɔ,

Jue Mun 98:4

Asiɛ sufuɛ mun, amun kwlaa amun `kpan kekle be yi be aklunjuɛ i nglo be kle Anannganman. Amun `bo sro, an `to jue be mɛnmɛn i.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 14:7

Asiɛ wunmuan'n ɔ'a jɔ fɔuun, sran'm be klun ti jɔwa, be bo sro.

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 51:12

M bɔbɔ min yɛ n fɔnvɔ amun-ɔn. ?Min nvle'n nunfuɛ mun, nguɛ ti yɛ amun sro sran nin-ɔn? Ɔ ti wie'n i nnɛn, ɔ ti klɔ sran, bɔ i agualiɛ'n ɔ wa guɛ i kɛ ijre'n i liɛ sa.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Ezai 61:4

Be ´kplan lika nvuɛn'm be uflɛ, be ´yo lalafuɛ sua nga be sacili mun'n ekun, be ´kplan klɔ'm bɔ be bubuli ɔ'a cɛ'n be uflɛ.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Mise 4:10

Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Galasifuɛ Mun 4:27

Afin be klɛli i kɛ: «Ɔ bɔ a bo-man akpue le'n, gua ɔ́ wla ase! Ɔ bɔ a nian wun-man ba wulɛ i nyrɛnnɛn le'n, kpan ɔ klun b'ɔ ti jɔwa'n ti, afin bla nga b'a yaci i'n, i mma'm be ´sɔn tra bla ng'ɔ tɛ ti i wun bo'n .»