Ezai 52:8 - NYANMIƐN NDƐ'N 1998

⁸ Amun `sie amún su be `tie be bɔ be kpla klɔ'n be nɛn'n, be bo sro likawlɛ, afin be nyinma ta nun wein kɛ Anannganman'n su ba Siɔn.

Ezai 52:8 ပူးပေါင်းရင်းမြစ်များ

Jue Mun 102:22

I waan ɔ ´yo sɔ nan sran sɔ'm be `bo i dunman'n be sin Siɔn lɔ, nan be `to jue be mɛnmɛn i Zerizalɛm lɔ,

Ngɔjue Fɛfɛ Kpa'n 3:3

E nin klɔ'n su nianfuɛ nga be wlan klɔ'n nun'n e yiali, n usali be kɛ: «?Amun wunnin n sran bɔ n klo i'n?»

Ngɔjue Fɛfɛ Kpa'n 5:7

E nin klɔ'n i su nianfuɛ nga be wlan-wlan klɔ'n nun'n e yiali. Be boli min, be kplokploli min wun, be deli min tannin b'ɔ gua min wati su'n. Gladi difuɛ sɔ'm be nanti-nanti klɔ'n i talɛ'n su be sin.

Ezai 24:14

Be nga be kali lɛ'n, be to jue be manman Anannganman, i dan'n ti. Kɛ be fin mɛn nga be o wia atɔliɛ lɔ be nun be ´ba'n, be klun b'ɔ ti jɔwa'n ti'n, be bo sro.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 27:2

I cɛn sɔ nun'n, amun ´to jue kun be ´manman vinyi fie'n bɔ i su nzan'n yo fɛ'n.

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Ezai 56:10

Be nga be nian Izraɛlfuɛ'm be su'n, be kwlaa be ti anyansifuɛ mun, be si-man like fi, be ti kɛ alua bɔ be ti bobo bɔ be kwla bo-man'n sa. Be la bé bɛ'm be su, laliɛ yɛ be cɛn-ɔn, be klo lafilɛ saa.

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Ezai 62:6

Zerizalɛm, n fali be bɔ be kpla klɔ'n be wie sieli ɔ talɛ'n su. Kɔnguɛ nin wia su be su muan-man bé nuan. Amun nga amun yo bɔ Anannganman i wla kpɛn Zerizalɛm su'n, nán amun de wunmiɛn.

Zeremi 31:12

Be ´bo sro be ´ba Siɔn oka'n su. Be ´wanndi yɛ be ´ba ninnge nga Anannganman'n fa man be'n i falɛ-ɔ, ɔliɛ ble o, nzan lɔflɛ o, ngo uflɛ o, bua o, boli o, nannin o. Be klun'n ´jɔ, be ´yo kɛ fie bɔ nzue tɔ su'n bɔ i su jɔ flɔlɔ'n sa. Be su yo-man kɛ asiɛ b'ɔ su srɛ nzue'n sa.

Zeremi 32:39

N ´yo man be akunndan'n ´yo kun. Be nantiwlɛ'n ´yo kun. Be ´sro min titi, ɔ man be nin be osu'n be ´nyan muae.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Ezekiɛl 3:17

«Klɔ sran, n ´fa wɔ n sie Izraɛl nvle'n su kɛ gladi difuɛ sa. Tie ndɛ nga n kan kle wɔ'n, bo su kle Izraɛlfuɛ mun .

Ezekiɛl 33:7

Klɔ sran, wɔ yɛ n sieli wɔ kɛ gladi difuɛ sa Izraɛlfuɛ'm be jɔ bolɛ'n ti. Sie ɔ́ su nan tie min ndɛ nan bo sa nga be wa ju'n be jɔ kle Izraɛlfuɛ mun.

Sofoni 3:9

«Kpɛkuun n ´kaci nvle-nvle'm be nunfuɛ'm be anwlɛn'n, ndɛ tɛ su fin-man bé nuan fite-man kun. Ɔ man be ´su min Anannganman. Be kwlaa bé bo ´yo kun be ´srɛ min.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Sa nga bé yôli'n 2:1

Kɛ Pantkɔt'n juli'n, be kwlaa be yiali lika kun.

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

1 Korɛntfuɛ Mun 13:12

Blɛ nga e o nun yɛ'n, e wun sa'm be kɛ e nyrun bɔ e niɛn kpongbo nglannglan nun'n sa, sanngɛ kɛ cɛn sɔ'n ko ju'n, e ´wun be wlɛ weiin. Blɛ nga e o nun yɛ'n, n wun-man sa ngba wlɛ, sanngɛ kɛ cɛn sɔ'n ko ju'n, n ´wun i ngba wlɛ kpa kɛ Nyanmiɛn kusu si min kpa'n sa.

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 19:4

Kpɛnngbɛn ablaɔn-nin-nnan'm be nin like nnan bɔ be ti kɛ nnɛn sa'n, be kotoli Nyanmiɛn b'ɔ ti bia'n su'n i bo, be mɛnmɛnnin i. Be seli kɛ: «Man ɔ yo sɔ! An `manman Nyanmiɛn!»