Ezai 52:7 - NYANMIƐN NDƐ'N 1998

⁷ Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Ezai 52:7 ပူးပေါင်းရင်းမြစ်များ

Jue Mun 59:13

Ndɛ kwlaa nga be kan'n, ɔ ti tɛ kpan, ɔ man be fɔn. Man be tɔ be bɔbɔ be tutre'n nun kɛ aya sa! Be klo amuɛn wualɛ nin gblɛ kpɛlɛ ngboko.

Jue Mun 68:11

Ee Nyanmiɛn, ɔ klun-ufue'n ti ɔ sran'm be wa trannin mɛn sɔ'n b'ɔ a siesieli i kɛ a ´fa man be bɔ be ti nyrɛnnɛnfuɛ'n i nun.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Jue Mun 96:10

Amun `kan sin nvle-nvle'n kwlaa nun kɛ sielɛ'n ɔ ti Anannganman liɛ. Asiɛ'n kusu ti takawa kpa, ɔ su keje-man. Anannganman'n di nvlefuɛ'm be jɔlɛ kɛ ɔ fata'n sa .

Jue Mun 97:1

Anannganman ti famiɛn, man asiɛ'n sufuɛ'm be kwlaa be si able. Man nvlefuɛ nga be tran jenvie'n nuan mmua-mmua lɔ'n be klun jɔ!

Jue Mun 98:2

Anannganman ɔ'a yi i nglo ɔ'a kle mɛnmɛn'm be kwlaa kɛ ɔ́ ti defuɛ. Ɔ'a yi sa nuan su b'ɔ yo'n i nglo ɔ'a kle be .

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Jue Mun 99:1

Anannganman ti famiɛn, ɔ man nvlefuɛ'm be usu. Ɔ ti anz'm bé ti su nglo, ɔ man asiɛ'n keje.

Ngɔjue Fɛfɛ Kpa'n 2:8

N ti min adeba'n i nɛn'n. I yɛ ɔ ´ba lɔ-ɔ! Ɔ tu tra oka nin kpɔlɛ mun yɛ ɔ ba-a.

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 41:27

Min yɛ n dun mmua'n kɛnnin i Siɔn lɔ kɛ ndɛ yɛ ndɛ yɛ nin-ɔn! N sunmannin jasin fɛ bofuɛ kun Zerizalɛm lɔ.

Ezai 42:11

Aawlɛ flɛnnɛn'n nun lɔfuɛ mun, yɛ Kedarfuɛ'm bɔ be tran tannin sua'm be nun'n, man be to jue! Man Selafuɛ'm be bo ndɛ! Man be `bo sro oka'm bé ti su lɔ.

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Naɔm 2:1

Zidafuɛ mun, amun `nian, jasin fɛ bofuɛ kun yɛ ɔ fin oka'm be su lɔ ´ba yɛ. Ɔ ti fɔundi jasin bofuɛ. Amun `di amun cɛn mun, ninnge nga amun fua be kleli Nyanmiɛn kɛ amun ´fa mɛn i'n, amun `fa ko mɛn i. Sran ng'ɔ sin amun su kle amun yalɛ'n, ɔ ba-man kun. Ɔ ba-man kun, i blɛ'n wieli.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Marc 13:10

San be ´dun mmua bo jasin fɛ'n kle nvle-nvle'm be kwlaa i sin nan sa sɔ'm b'a yo.

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

JÉSUS-CHRIST I DYASIN FE'N BO LUC KLELI'N 2:10

Sanngɛ anz'n seli be kɛ: «Nán srɛ kun amun mlɔnmlɔn, m ma bo jasin fɛ kun kle amun b'ɔ wa jɔ sran'm be kwlaa be klun.

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Efɛzfuɛ Mun 6:15

Man amun anwlɛn bɔ an tra kan jasin fɛ'n yo kɛ amun ngbabua sa.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.