Ezai 51:9 - NYANMIƐN NDƐ'N 1998

⁹ Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ezai 51:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 26:12

Nyanmiɛn i kwlalɛ b'ɔ kwla'n i dan'n ti ɔ kwlali jenvie'n. Ɔ fɛli i ngwlɛlɛ'n fufuli Raab nun.

Zɔb I Nyrɛnnɛn Wunlɛ 9:13

Kɛ Nyanmiɛn ko fa ya'n, wuun ɔ'a fa, ɔ guɛ-mɛn i ase. Jenvie'n nun ninnge sroesroe mun nin Raab nin i sinfuɛ'm be koto koto i bo lɛ.

Jue Mun 21:13

Afin a ´yo man be ´wanndi, kpɛkuun a ´to bé wun ta.

Jue Mun 44:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Jue Mun 44:23

Wɔ ti yɛ be fa e jran wie'n nuan cɛn kwlaa-a. Wɔ ti yɛ be bu e kɛ bua bɔ be su ko kun i nnɛn kunwlɛ lɔ'n sa nin-ɔn .

Jue Mun 44:24

Min Min, jaso. ?Nguɛ ti yɛ a lafi-ɔ? Tinnge, nán yi ye ase mlɔnmlɔn sa!

Jue Mun 59:4

B'a sa min nyrun kɛ be ´kun min. Anannganman, sran kunfuɛ sɔ'm b'a cici min wun ndɛ kusu wuun m'an fɔn-man yɛ m'an yo-man sa.

Jue Mun 7:6

man min kpɔfuɛ wie fuan min tra min, man ɔ yi min ase tiatia min su, ɔ kun min nan n dunman saci asiɛ'n su.

Jue Mun 77:5

Wɔ man m muan min nyinma-a ɔ yo-man ye. Min akunndan ɔ'a sanngan, n si-man ndɛ nga n ´kan-an.

Jue Mun 78:65

Kpɛkuun e min'n wa jasoli kɛ sran b'ɔ su lafi yɛ ɔ'a jaso sa, ɔ jasoli kɛ safunyrɛn wie bɔ ɔ'a nɔn nzan ɔ'a bo yɛ ɔ'a titi i nyin su sa.

Jue Mun 87:4

«Sɛ be ´kan be bɔ be si kɛ n ti Nyanmiɛn'n be ndɛ'n, be ´bo Eziptfuɛ mun, nin Babilɔnifuɛ mun be dunman. Sɛ be ´kan Filistifuɛ mun nin Tirfuɛ mun, ɔ nin Etiopifuɛ mun be ndɛ'n, nga be ´kan'n yɛlɛ kɛ be awuliɛ klɔ'n yɛlɛ Filisti, nin Tir, ɔ nin Etiopi.»

Jue Mun 89:10

Kɛ jenvie'n jaso'n, ɔ waan ɔ su nyinmɛn-nyinmɛn i wun sa, wɔ yɛ a kɛn i ase-ɔ. Kɛ ɔ ´bo'n b'ɔ ko jaso kendengleiin, wɔ yɛ man ɔ guɛ i wun sa ase-ɔ.

Jue Mun 89:11

Wɔ yɛ a wɛtɛli nnɛn sroesroe nga be flɛ Raab nin-ɔn, wɔ man ɔ kpɔfuɛ'm be bo sanndili ɔ fanngan dan'n ti.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 30:7

Sɛ be se wɔ kɛ Eziptfuɛ'm be kwla uka be'n, ɔ ti ato. I sɔ'n ti n flɛ Eziptfuɛ'm be kɛ Raab b'ɔ yo-man like fi'n.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Mise 7:15

Yo abonuan sa mun man be kɛ laa bɔ be fin Ezipt lɔ be ´ba bɔ a yoli'n sa.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.

Abakik 3:13

Ɔ sran'm be delɛ yɛ a ´tiatia kɔ blɛblɛ lɛ-ɔ. Ɔ famiɛn bɔ a fa sieli'n, i delɛ yɛ a su kɔ lɛ-ɔ. A ´kun klunwifuɛ'm be famiɛn'n, kpɛkuun a ´nunnun i bo mma'm be kwlaa kpan.

Zakari 10:11

Be ´kpɛ jenvie'n b'ɔ ti awlaboɛ like'n. Jenvie'n i bolɛ ng'ɔ bo'n, n ´jrɛn i. Nil nzue ba'n ´wie nun sekeseke, Asiri bɔ i nunfuɛ'm be yo bé wun dandan'n, ɔ ´tɔ. Eziptfuɛ'm be kusu be su kwla-man kun.

Zakari 2:13

E nin be e wa yia nun. Be nga be fɛnnin sran'm bé bo ninnge'n, be wa fɛn be liɛ'n wie kusu.» Kɛ ɔ ko yo sɔ'n, i liɛ amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min-ɔn.

JÉSUS-CHRIST I DYASIN FE'N BO LUC KLELI'N 1:51

Ɔ yili i kwlalɛ'n nglo, Ɔ buli wun tufuɛ'm bɔ be gugu dandan'n bé bue.

Jean 12:38

Kɛ ɔ yo nan ndɛ nga Nyanmiɛn nuan ijɔfuɛ Ezai kannin'n ɔ'a `kpɛn su ti-ɔ. Ɔ seli kɛ: «?Nannan, ndɛ nga e kan kleli be'n, wan yɛ ɔ fali su-ɔ? ?Wan yɛ e Min Nyanmiɛn'n yili i like ng'ɔ yo'n i nglo kleli i-ɔ ?»

Sa nga bé yôli'n 7:7

Sanngɛ nvle nga bɔ be ko yo be kanga'n, Nyanmiɛn seli kɛ ɔ nin be yɛ be ´kan-an. I sin, be ´jao mɛn sɔ'n nun be wa su i lika nga nun wa .

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Sa nglô yile 11:17

«Anannganman Nyanmiɛn wɔ bɔ a kwla like kwlaa yo'n, bɔ a o lɛ'n, bɔ a o lɛ lalaa'n, kwla o! E la wɔ ase afin a yi ɔ kwlalɛ dan'n i nglo, yɛ a su di ɔ famiɛn'n.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»