Ezai 51:5 - NYANMIƐN NDƐ'N 1998

⁵ Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 51:5 ပူးပေါင်းရင်းမြစ်များ

Jue Mun 110:6

Ɔ ´di nvle-nvle'm be jɔlɛ. Lika'n kwlaa ´yo saka ngunmin. Ɔ ´nunnun mɛn wunmuan nga nun kpɛnngbɛn mun .

Jue Mun 67:4

Ee Nyanmiɛn, man sran'm be manman wɔ, man nvle'm be nunfuɛ'm be kwlaa be manman wɔ.

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Ezai 26:4

Amun `fa amún wla gua Anannganman su tititi. Afin ɔ ti kɛ yɛbuɛ sa, i yɛ be talo i-ɔ, ɔ o lɛ anannganman anannganman.

Ezai 33:2

Anannganman, si ye aunnvuɛ, e wla'n wo ɔ su. Nglɛmun kwlaa man e wunmiɛn. Sɛ e o nyrɛnnɛn nun'n, de ye.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 40:10

Amun `nian, Anannganman min Nyanmiɛn'n ɔ ba yasua su. I yɛ ɔ sie sran mun-ɔn. Amun `nian, sran'm be akatua'm be wo i sa nun, like nga sran'm be yo'n, i nuan like'n wo i sa nun .

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezai 56:1

Anannganman wan yoo: «Amun `yo sa ng'ɔ ti i nuan su'n, amun `yo sa kpa. Afin sran bɔ min waan n ´de be'n, bé ti nyanlɛ blɛ'n ɔ'a mantan. Yɛ min nanwlɛ dilɛ cɛn'n su wa ju .

Ezai 59:16

Ɔ wunnin kɛ sran fi nian-man ndɛ sɔ'n nun kan-man, kɛ bɔ sran fi bua-man nun'n, i sɔ'n ɔ boli i wla. Yɛ i bɔbɔ fɛli i sa wlali nun-ɔn, kpɛkuun kɛ b'ɔ ti nanwlɛfuɛ'n ti, ɔ nyannin i su wunmiɛn yoli .

Ezai 60:9

Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Ezai 62:11

Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»

Ezai 63:5

N nian-niannin, m'an nyan-man sran b'ɔ ´uka min-ɔn, i sɔ'n boli min wla. Kɛ bɔ m'an nyan-man sran'n, i ti n sili min wue'n nun kɛ m bɔbɔ n ´yo, kpɛkuun ya bɔ n fali'n, ɔ mannin min i yolɛ'n i wun akpue.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Mmla'n 30:14

Ɔ ti-man sɔ, ndɛ sɔ'n wo amún wun koko lɛ. Ɔ o amún nuan, ɔ o amun anwlɛn'n nun, i su falɛ'n ti-man lele .

1 Samiɛl 2:10

Anannganman o nglo lɔ yɛ ɔ man nyanmiɛn'n ɔ kpan kplannan kplannan yɛ ɔ fa sɛnngɛn i kpɔfuɛ'm be nun-ɔn. Afin i yɛ ɔ sie mɛn wunmuan nin-ɔn, ɔ fa kwlalɛ mɛn i nvle'n i su famiɛn'n. I yɛ ɔ man sran ng'ɔ kpɛli i'n i kwlalɛ'n yo dan tra su-ɔ .»