Ezai 51:4 - NYANMIƐN NDƐ'N 1998

⁴ Anannganman waan: «Min sran mun, amun `sie amun su mín nuan bo! Min nvle'n nunfuɛ mun, amun `tie ndɛ bɔ n kan'n! Afin n wa sie mmla. N wa di jɔlɛ, jɔlɛ dilɛ sɔ'n, ɔ ´yo kɛ nvle-nvle'm be like b'ɔ kpaja'n sa.

Ezai 51:4 ပူးပေါင်းရင်းမြစ်များ

Jue Mun 106:5

Man n nyan ɔ sran nga a kpali be'n be muae'n wie. Man n klun jɔ kɛ ɔ mɛn'n nunfuɛ'm be liɛ'n sa. Man n fa wɔ n di min nuan kɛ be bɔ be ti ɔ liɛ'n be fa di'n sa.

Jue Mun 147:20

Ɔ'a yo-man nvle uflɛ fi sɔ. Be wie fi si-mɛn i mmla mun . Amun `manman Anannganman!

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 50:7

Min sran mun, min bɔ n ti Nyanmiɛn'n, min bɔ n ti amun Nyanmiɛn'n, amun `sie amún su man n kan ndɛ n kle amun. Izraɛlfuɛ mun, amún wun ndɛ ng'ɔ o min klun'n, n wa kan kle amun.

Jue Mun 78:1

Jue nga ti Azaf liɛ. I waan: Min nvle'n nunfuɛ mun, amun `sie amun su be tie min mmla'n. Amun `sie amún su kpa be tie ndɛ nga n kan'n.

Ezipt Lɔ Tulɛ'n 19:6

Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Ezai 1:27

Zerizalɛm i sa b'ɔ yo i i nuan su'n ti, ɔ ´fite nun. Yɛ i nunfuɛ'm bɔ be kaci be nzuɛn'n, be ´nyan be ti mmla bɔ be fa su'n ti.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 26:2

Amun `tike anuan mun man nvle nga be nunfuɛ'm be yo sa i nuan su'n, bɔ be ti nanwlɛfuɛ'n, be wlu.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 42:21

Anannganman yo sa i nuan su ti i waan ɔ ´yo i mmla'n i dan, yɛ ɔ siesie i kpa,

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Mise 4:2

Nvle-nvle be nunfuɛ mun be ´tu ajalɛ be ´kɔ, be ´se kɛ: «An `bla man e wɔ Anannganman i oka'n su lɔ. E `wɔ Zakɔb i Nyanmiɛn'n i sua'n nun lɔ nan ɔ `kle ye kɛ e `nanti'n, nan e `nanti i atin'n su, afin Siɔn lɔ yɛ mmla'n fin-ɔn. Zerizalɛm lɔ yɛ Nyanmiɛn ndɛ'n fin ba-a.»

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

1 Korɛntfuɛ Mun 9:21

Kɛ n ko yo nan m'an nyan be bɔ be di-man Moiz mmla'n su'n, sɛ n ju be nun'n, n yo min wun kɛ be sa. Kannzɛ n yo sɔ'n, nán kɛ n di-man Nyanmiɛn mmla'n su mlɔnmlɔn ti-ɔ, n di Krist liɛ'n su.

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .