Ezai 51:16 - NYANMIƐN NDƐ'N 1998

¹⁶ N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 51:16 ပူးပေါင်းရင်းမြစ်များ

Jue Mun 75:3

Nyanmiɛn waan: «Kɛ jɔlɛ dilɛ blɛ nga n kleli'n ko ju'n, m ´bu ndɛ nanwlɛ nun.

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Jue Mun 92:13

Sran nga Nyanmiɛn bu be sran kpa'n, be nyin flololo kɛ mme'n sa, be trɛ kɛ Liban lɔ sɛdri waka'n sa.

Ezipt Lɔ Tulɛ'n 33:22

Kɛ bɔ n ´sin bɔ n ´yi min dunman dan'n i nglo'n, n ´fa wɔ n ´fia yɛbuɛ'n i buɛ'n nun, n ´fa mín sa n ´kata ɔ́ su lele san n ´wie sin.

Ezipt Lɔ Tulɛ'n 4:15

Kan ndɛ'n kle i, ndɛ nga ɔ fata kɛ ɔ kan'n, kan kle i. Blɛ bɔ amun ´ijɔ'n, m bɔbɔ n ´jran amun sran nnyɔn'n amun sin. N wa kle amun like nga ɔ fata kɛ amun yo'n.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 49:2

Ɔ yoli man ndɛ ng'ɔ fin mín nuan fite'n ɔ kaci kɛ tokofi b'ɔ la kpa'n sa. Ɔ fɛli i sa'n i fɔnvɔ'n katali min su. Ɔ yoli man n kacili kɛ ta mma b'ɔ ti piembie kpa'n sa. Sɛ n ´kwla se'n, ɔ fali min fiali i ta'n i bua'n nun.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezai 57:19

N ´yo man be ´bo sro. Be nga be o mmua o, be nga be o koko o, bé wun ´jɔ be, bé wun ´jɔ be sakpa! N ´kaci be.» Anannganman yɛ se sɔ-ɔ .

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Ezai 66:22

«Nyanmiɛn ng'ɔ la nglo lɔ plaii'n, i uflɛ nga n ´yi'n, ɔ nin asiɛ uflɛ'n, be ´ka min nyrun lɛ tititi. I kunngba nin-ɔn, amun osu nunfuɛ mun nin amun dunman'n, be kusu be ´ka lɛ sɔ tititi .» Anannganman yɛ ɔ se sɔ-ɔ.

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 32:38

Be ´yo min nvle, n kusu n ´yo be Nyanmiɛn.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Zakari 8:8

N ´ko fa be lɔ m ´ba nan be wa tran Zerizalɛm. Be ´yo min nvle nunfuɛ, yɛ min kusu n ´yo be Nyanmiɛn. N ´nian be su klun-ufue su klanman.»

Jean 17:8

afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

2 Piɛr 3:13

Nyanmiɛn seli kɛ ɔ ´man e nyanmiɛn su lɔ nin asiɛ uflɛ, lɔ yɛ be nga be yo sa kpa'n be ´tran-an. I yɛ e su minndɛ i-ɔ .

Sa nglô yile 1:1

Fluwa nga nun be kan sa nga ɔ cɛ kaan be wa yo'n, bɔ Nyanmiɛn fa wlali Jésus-Krist sa nun kɛ ɔ fa kle i sran mun'n i ndɛ. Krist sunmɛnnin i anz'n, ɔ wa yili be nglo kleli Zan b'ɔ ti i sran'n.