Ezai 51:12 - NYANMIƐN NDƐ'N 1998

¹² M bɔbɔ min yɛ n fɔnvɔ amun-ɔn. ?Min nvle'n nunfuɛ mun, nguɛ ti yɛ amun sro sran nin-ɔn? Ɔ ti wie'n i nnɛn, ɔ ti klɔ sran, bɔ i agualiɛ'n ɔ wa guɛ i kɛ ijre'n i liɛ sa.

Ezai 51:12 ပူးပေါင်းရင်းမြစ်များ

2 Famiɛn Mun 1:15

Yɛ Anannganman i anz kun seli Eli kɛ: «A nin i be wɔ, nán srɛ kun wɔ mlɔnmlɔn.» Yɛ Eli nin i be ɔli famiɛn'n wun lɔ-ɔ.

Jue Mun 118:6

Anannganman jin mín sin, n sro-man like fi. ?Kɛ nguɛ like sa yɛ sran'm be kwla yo min-ɔn ?

Jue Mun 146:4

Kɛ be ko ka nun bɔ be ko sa be sin ko yo fa'n, wuun like kwlaa nga be sunnzunnin kɛ be ´yo'n i kwlaa ɔ'a ka lɛ ɔ'a mlin cɛn kunngba sɔ'n nun.

Jue Mun 92:7

Sran ng'ɔ wun-man sa wlɛ'n, ɔ bu-mɛn i like fi, sinnglinfuɛ'n ɔ wun-mɛn i sin.

Nyanndra Mun 29:26

Sran sunman be kunndɛ kɛ sran ng'ɔ sie be'n ɔ yi be ayɛ. Sanngɛ kɛ Anannganman yi sran ayɛ'n, yɛ ɔ ti i su-ɔ.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 52:9

Amun Zerizalɛmfuɛ kanngan nga amun ka lɛ'n, amun `bo sro likawlɛ! Afin Anannganman ɔ'a fɔnvɔ i nvle'n nunfuɛ mun, ɔ'a kpɔ Zerizalɛmfuɛ'm bé ti.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Ezai 61:2

I waan n wa kan afuɛ nga Anannganman ɔ ´yo sran'm be ye'n nin cɛn ng'ɔ ´tu i klunngbɔ i kpɔfuɛ'm be su'n, be ndɛ. I waan n wa fɔnvɔ be nga be o sɛ nun'n mun .

Ezai 66:13

Sakpa, kɛ bla ta kun fa fɔnvɔ i wa'n, m bɔbɔ kusu, kɛ n wa fɔnvɔ amun sɔ-ɔ. N ´fɔnvɔ amun Zerizalɛm lɔ.

Ezai 8:12

«Blɛ bɔ sran kun nga'm be ´kan sran dandan'm bé wun jasolɛ ndɛ'n, nán amun bua nun. Nán amun sro like nga be sro i'n, nán ɔ ´kun amun srɛ.

Zeremi 38:19

Famiɛn Sedesias tɛli i su kɛ yoo: «Zuif nga be sinnin Babilɔnifuɛ'm bé sin'n, be ti yɛ srɛ kun min-ɔn. Sɛ n yo sɔ-ɔ, be ko fa min be ko wla bé sa nun be ko yo min tɛtɛ.»

Zeremi 41:18

Afin srɛ kun be Babilɔnifuɛ'm bé wun. Kɛ ɔ fin cɛn bɔ Ismaɛl kunnin Gɛdalia bɔ Babilɔni famiɛn'n fɛ i sieli i mɛn'n su'n, srɛ kunnin be Babilɔnifuɛ'm bé wun.

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Jean 14:18

N yaci-man amun aika, m ´ba amún wun wa ekun.

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

1 Piɛr 1:24

Afin be klɛli i Nyanmiɛn Ndɛ'n nun kɛ: «Sran'm be kwlaa be ti kɛ ijre sa, yɛ be nyrun nga be lɛ i'n ti kɛ ijre'n i nyrɛ'n sa. Ijre'n wu, yɛ i nyrɛ'n gua.

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 17:11

Kɛ Sail nin Izraɛlfuɛ'm be kwlaa be tili Filistifuɛ'n i ndɛ'n, kɛ be usu sa, b'a wie wu mlɔnmlɔnmlɔn.

1 Samiɛl 21:13

Kɛ David tili ndɛ sɔ'n, ɔ lafi-ɔ, ɔ lafi-man, srɛ kunnin i famiɛn Akis i wun.