Ezai 51:10 - NYANMIƐN NDƐ'N 1998

¹⁰ ?Nán wɔ yɛ a yoli man jenvie dan sɔ'n i nun nzue'n wieli nun wein nin-ɔn? ?Nán wɔ ekun yɛ a yili atin kun jenvie i bo lɔ kploun nun, bɔ be nga a kpɔli bé ti'n be sinnin nun nin-ɔn?

Ezai 51:10 ပူးပေါင်းရင်းမြစ်များ

Jue Mun 106:10

Ɔ deli be be kpɔfuɛ'm bé sa nun. Ɔ deli be be nga be nin be kun'n bé sa nun.

Jue Mun 106:9

Kɛ ɔ kpannin Ndɛma jenvie'n su sa'n, kpɛkuun ɔ kali lɛ wuli kee. Ɔ man be nantili jenvie'n i bo lɔ aunnyan'n su kɛ aawlɛ flɛnnɛn'n nun sa.

Jue Mun 74:13

Ɔ wunmiɛn dan'n ti, a kpɛli jenvie nun'n. A kpacili jenvie'n nun ninnge sroesroe'm bé ti'm be nun .

Jue Mun 77:19

Kɛ nyanmiɛn'n ´bo nun'n, wuun ɔ ´bo mianmian ´kpaja lika'n nun. Srɛ kunnin mɛn'n nunfuɛ mun kpo, be lɛ usulɛ.

Ezipt Lɔ Tulɛ'n 14:29

Sanngɛ Izraɛlfuɛ'm be liɛ be kpɛli jenvie'n bé ja nun. Be sinnin nzue ng'ɔ jrannin kɛ talɛ sa bé sa fama su nin bé sa bɛ su'n i afiɛn.

Ezipt Lɔ Tulɛ'n 15:13

A deli ɔ sran mun wɔ aunnvuɛ silɛ dan'n ti, ɔ nin ɔ tinmin bɔ a lɛ i'n ti. A su tinngɛ be nan a ´fa be kɔ mɛn ng'ɔ ti ɔ liɛ klonglo'n, bɔ a kan kleli be kɛ a ´fa man be'n i nun lɔ.

Ezai 11:15

Anannganman ´yo man Ezipt jenvie'n ɔ `wie nun. Ɔ ´tinngɛ i sa Efrata nzue ba'n su. Ɔ ´fita su kekle kpa fuu, Ɔ ´kpacikpaci nzue ba sɔ'n nun nso, kpɛkuun sran'm be ´nanti be ja be ´kpɛ.

Ezai 11:16

I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Ezai 35:9

Be su wun-man asɔmɔli fi atin sɔ'n su. Nnɛn tɛ fi su sin-man lɛ. Nnɛn tɛ fi su fa-man su. Be nga Anannganman deli be'n, be yɛ be ´sin nun-ɔn.

Ezai 42:15

N ´saci oka mun nin kpɔlɛ mun, n ´yo man bé su ijre nin waka'm be kwlaa be ´wu kee. N ´yo man nzue ba'm be ´wie nun, yɛ fɛtɛ'm be ´wu kee.

Ezai 43:16

Laa, Anannganman tikeli atin kun jenvie'n nun, ɔ yili atin nzue kploun'n nun.

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Mise 7:15

Yo abonuan sa mun man be kɛ laa bɔ be fin Ezipt lɔ be ´ba bɔ a yoli'n sa.

Zakari 10:11

Be ´kpɛ jenvie'n b'ɔ ti awlaboɛ like'n. Jenvie'n i bolɛ ng'ɔ bo'n, n ´jrɛn i. Nil nzue ba'n ´wie nun sekeseke, Asiri bɔ i nunfuɛ'm be yo bé wun dandan'n, ɔ ´tɔ. Eziptfuɛ'm be kusu be su kwla-man kun.