Ezai 51:1 - NYANMIƐN NDƐ'N 1998

¹ Amun nga bɔ amun kunndɛ nanwlɛ'n, bɔ amun fa amún wun mantan Anannganman'n, amun `tie ndɛ nga n kan'n! Sɛ amun ti yɛbuɛ'n, wuun n ´se kɛ amun `nian yɛbuɛ nga bɔ i nun yɛ be sɛli amun'n, yɛ amun `nian kunman nga be fali amun nun'n.

Ezai 51:1 ပူးပေါင်းရင်းမြစ်များ

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 15:4

Be nyrɛnnɛn nun'n, be sali bé sin bali Anannganman b'ɔ ti Izraɛl Nyanmiɛn'n i sin. Be fa bé wun mɛntɛnnin i, ɔ yoli man be wunnin i.

Jue Mun 24:6

Zakɔb Nyanmiɛn, be bɔ be kpan flɛ wɔ'n, bɔ be mantan wɔ'n, like nga be nyɛn i'n yɛ ɔ o lɛ-ɔ.

Jue Mun 94:15

Kannzɛ ɔ yo sɛ san sran nga ɔ'a yo-man sa'n i yɛ i ndɛ'n ɔ ´yo fɛ-ɔ, yɛ be kwlaa nga be anwlɛn'n ti sɛsɛ'n be ´jrɛn i sin.

Nyanndra Mun 15:9

Anannganman klo-man klunwifuɛ'm be nzuɛn'n. Be nga bɔ sa kpa'n yɛ be kunndɛ be yo'n, i klun jɔ bé wun.

Nyanndra Mun 21:21

Sran nga nanwlɛ dilɛ nin klun-ufue yolɛ'n ɔ yo i fɛ'n, i sɔfuɛ'n ɔ ´di mɛn ´cɛ. Be bu i sran kpa yɛ ɔ nyan nyrun.

Ezai 45:19

Ndɛ nga n kannin'n, m'an kɛn-mɛn i nvialiɛ nun, m'an kɛn-mɛn i asiɛ'n i lika tuun wie nun. M'an se-man Zakɔb osu nunfuɛ'm be kɛ be kunndɛ min kan like fi nun-man lɛ'n! Min, Anannganman n kan ndɛ ng'ɔ ti i su'n, n kan ndɛ nanwlɛ .»

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Ezai 48:12

Anannganman waan: «Amun Zakɔb osu'n nunfuɛ mun, amun Izraɛlfuɛ bɔ n flɛli amun'n, amun tie ndɛ nga n kan'n! M bɔbɔ min yɛ n ti ninnge'm be kwlaa be klikli nin-ɔn, yɛ kusu min yɛ n ti be kwlaa be kasiɛn nin-ɔn .

Ezai 51:4

Anannganman waan: «Min sran mun, amun `sie amun su mín nuan bo! Min nvle'n nunfuɛ mun, amun `tie ndɛ bɔ n kan'n! Afin n wa sie mmla. N wa di jɔlɛ, jɔlɛ dilɛ sɔ'n, ɔ ´yo kɛ nvle-nvle'm be like b'ɔ kpaja'n sa.

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Ezai 65:10

Min nvle'n nunfuɛ nga be fa bé wun mantan min'n, Sarɔn lika kpɛtɛkplɛɛ'n ɔ ´yo be bua mun nin be boli'm be didiwlɛ, yɛ Akɔr kongo'n ɔ ´yo be nannin'm be lawlɛ.

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Matthieu 5:6

Be nga be konvi sɔ Nyanmiɛn klun sa yolɛ'n kɛ awe nin nzue we kun sran sa'n, be liɛ su ti ye, afin be klun wa jɔ !

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Rɔmfuɛ Mun 10:3

Afin kɛ be si-man like wafa nga Nyanmiɛn yo b'ɔ bu sran sran kpa'n, bɔ be bɔbɔ be kunndɛ like wafa nga be yo nan b'a yo sran kpa'n, ɔ man b'a fa-man Nyanmiɛn liɛ'n su.

Rɔmfuɛ Mun 14:19

I sɔ'n ti'n, man e yo sa ng'ɔ jɔ e wiengu klun b'ɔ man e kwlaa e ´yo kpa'n.

Filipfuɛ Mun 3:13

Aniaan mun, m bu-man min wun kɛ m'an wie i ngba nyan, sanngɛ sa kun nga n jin su kɛ n ´yo'n yɛlɛ kɛ man ń wla fi like ng'ɔ o min sin'n nan n ´tinndin man n sa to like ng'ɔ o min nyrun lɔ'n.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.