Ezai 5:8 - NYANMIƐN NDƐ'N 1998

⁸ Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 5:8 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:28

Klɔ ng'ɔ tran be su'm b'a saci. Sua ng'ɔ cɛ kan-an be ´tɔ bɔ sran tran-man be nun kun'n, yɛ ɔ tran nun-ɔn.

Zɔb I Nyrɛnnɛn Wunlɛ 20:21

I konvi tɛ'n ti ɔ wun like-ɔ ɔ yaci-mɛn i lɛ. I sɔ'n ti muae b'ɔ lɛ i'n ɔ su cɛ-man.

Nyanndra Mun 15:27

Sran nga i waan ɔ su kpli nyɛn i wun'n, i awlo'n i bolɛ i wun atin yɛ ɔ su kpɛ i lɛ-ɔ. Sran nga kusu bɔ be cɛ i like kɛ ɔ bua ato-ɔ ɔ kplin-man su'n, ɔ ´cɛ cɛcɛcɛ .

Ezekiɛl 11:15

«Klɔ sran, ɔ niaan mun-ɔn, ɔ bɔbɔ ɔ niaan mun-ɔn, ɔ osufuɛ mun nin Izraɛl nvle wunmuan'n yɛ Zerizalɛmfuɛ'm be se kɛ: ‹Nán an fa amun wun mantan Anannganman. Be fali mɛn nga mannin ye kɛ ɔ ti e liɛ.›

Ezekiɛl 33:24

«Klɔ sran, nian, ndɛ nga be nga be kali klɔ nvuɛn-nvuɛn'm be nun Izraɛl mɛn'n nun lɔ'n be kan'n yɛ. Be se kɛ: ‹Abraam i ba kunngba, sanngɛ i ngunmin i liɛ yɛlɛ mɛn nga kwlaa. E nga bɔ e sɔnnin yɛ'n, e yɛ be fa mɛn be mannin ye-ɔ.›

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Abakik 2:6

Nvle sɔ'm be ´di i asanse, tutrefuɛ sɔ'm bé wun lakaci ndɛ yɛ be ´kan-an, be sri be, be yo be finfin.» «Be ´se kɛ yoo: ‹Be nga sran'm bé bo ninnge'n yɛ be wua be fa yo be liɛ'n, bɔ sran'm be aowa'n yɛ b'a de lele'n, be yako lele. ?Nan cɛn onin ko yɛ be ´yaci i sɔ sa liɛ'n be yolɛ-ɔ?›

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [