Ezai 5:7 - NYANMIƐN NDƐ'N 19987 Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a. အခန်းကိုကြည့်ပါ။ |
Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.
Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.