Ezai 5:6 - NYANMIƐN NDƐ'N 1998

⁶ N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezai 5:6 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 8:35

Sɛ be yo wɔ sa nan i ti nyanmiɛn'n ɔ tannin nan nzue tɔ-man'n, sɛ a tu be fɔ nan i ti be kpan flɛ wɔ'n, sɛ be ba lika nga nun wa be wa srɛ wɔ'n nan be yaci bé sa tɛ'n be yolɛ'n,

Zɔb I Nyrɛnnɛn Wunlɛ 31:40

man ble nga n gua'n, ɔ yaci fifi owie, yɛ man ɔrz nga n gua'n, ɔ yaci fifi awie ijre. Zɔb i nuan'n i tɔwlɛ'n yɛ ɔ o lɛ-ɔ.

Nyanndra Mun 24:31

N ´nian-an, yaokanndrɔwa nin ijre tɛtɛ mun b'a de i fie wunmuan'n. Ɔ lɛ-man i lika kun. Jasa ng'ɔ sili'n kusu ɔ'a bu.

Ezai 24:12

Klɔ'n nun sua nvuɛn ngunmin yɛ b'a ka-a, anuan bubuwa'm b'a saci.

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 32:10

Ɔ ka afuɛ kun ɔ gua su kan'n, amun bla mun bɔ amun fa amun wla gua amun bɔbɔ su'n, amun ´usu. Afin vinyi'n su yo-man kpa, yɛ be su nyan-man ble.

Ezai 49:19

Amun lika bɔ b'a bubu'n, amun klɔ'n bɔ ɔ'a bo'n, amun mɛn'n bɔ ɔ'a saci'n, ɔ cɛ kaan-an, i nunfuɛ'm be su sɔn-man nun kun, yɛ be nga be yo bɔ amun nunnun'n, be ´kɔ mmua.

Ezai 55:13

Siprɛs'm be ´fifi susrɛ'm be osu, yɛ mirt'm be ´fifi flɔn'm be osu. I sɔ'n ɔ wa yo Anannganman'n i manmanlɛ like. Ɔ ´yo nzɔliɛ kun b'ɔ ´ka lɛ tititi, b'ɔ be su yi-mɛn i lɛ le.

Ezai 7:19

Be ´ba, be wa tran kongo kploun'n nin yɛbuɛ buɛ'm be nun. Be ´tran susrɛ'm be kwlaa be su, be ´tran kan nnɛn'm be didi lɛ'n kwlaa nun.

Zeremi 14:1

Nzue b'ɔ ko jran'n i ti yɛ Anannganman'n kannin ndɛ nga kleli Zeremi-ɔ.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 25:11

Mɛn nga ´nunnun mlɔnmlɔn. Nvle sɔ'm be kwlakwla be nunfuɛ'm be ´su Babilɔni famiɛn'n afuɛ ableso .›

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 9:6

Kɛ amun mɛn'n ko saci bɔ an ´jaso nun kɔ'n, Eziptfuɛ'm be ´sɔ amun nun li bɔ cɛ, sanngɛ Mɔf klɔ'n yɛ ɔ ´yo amun asieliɛ-ɔ. Amun sika'n ɔ ´ka ijre afiɛn. Owie yɛ ɔ wa fu amun sua'm be nun-ɔn.

Zoɛl 1:7

Be wluli n vinyi fie'm be nun be sacili be mlɔnmlɔn, be sacili n figie fie mun wie. Be buli figie mun. Be kplokploli figie sɔ'm bé wun weiin, san be waka ufue ´cɛ yɛ be kali lɛ-ɔ .

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

Sa nglô yile 11:6

Blɛ nga be ´kan ndɛ'n, be kwla tannin nyanmiɛn su lɔ'n kɛ nán man nzue'n tɔ. Be kwla kaci nzue'm be mmoja. Blɛ kwlaa nga be klo kɛ be ´fa sa wafa-wafa'n kwlaa yi asiɛ'n sufuɛ'm bé su'n, be kwlɛ i yo .