Ezai 5:5 - NYANMIƐN NDƐ'N 1998

⁵ Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Ezai 5:5 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

Bo Bolɛ 11:7

Ɔ man e `wɔ e ko sanngan be aniɛn'n nun, nan nán be ti be wun aniɛn kun.»

Neemi 2:3

Yɛ n seli famiɛn'n kɛ: «Nannan, man wie wla fi wɔ! Min nyrun bɔ m mlan'n yɛlɛ kɛ b'a bubu klɔ nga be sieli min nannan'm be su'n . Yɛ b'a wɔ i anuan'm be nun.»

Jue Mun 89:40

Nda nga a tali ɔ sufuɛ'n, w'a yo-mɛn i su like'n. A mɛnnin i famiɛn kle'n su a yili i ase, kle sɔ'n a yoli i wannzo.

Jue Mun 89:41

A fitifitili i klɔ'n i wun talɛ'n. A bubuli i fiawlɛ sua mun.

Nyanndra Mun 24:31

N ´nian-an, yaokanndrɔwa nin ijre tɛtɛ mun b'a de i fie wunmuan'n. Ɔ lɛ-man i lika kun. Jasa ng'ɔ sili'n kusu ɔ'a bu.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 28:3

Amun `nian, klɔ bɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, b'a tiatia su.

Ezai 32:10

Ɔ ka afuɛ kun ɔ gua su kan'n, amun bla mun bɔ amun fa amun wla gua amun bɔbɔ su'n, amun ´usu. Afin vinyi'n su yo-man kpa, yɛ be su nyan-man ble.

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 28:8

Kɛ ɔ fin lalafuɛ nun'n, Nyanmiɛn nuan ijɔfuɛ nga be dunnin mmua wɔ nin min e nyrun'n, be kannin alɛ nin nyrɛnnɛn ɔ nin tukpacɛ b'ɔ sa ndɛndɛ ng'ɔ wa ju mɛn dandan nin famiɛn diwlɛ kpakpa'm be su'n.

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Ngwlɛ Yilɛ 1:15

Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ngwlɛ Yilɛ 4:12

Sɛ laa sran wie seli kɛ: «Cɛn kun Izraɛlfuɛ'm be kpɔfuɛ'm be ´sin Zerizalɛm anuan nun be ´wlu klɔ'n nun,» famiɛn kun sa su fa-man, klɔ sran kun sa su fa-man.

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Ndɛ Nga Nyanmiɛn I Nuan Ijɔfuɛ Oze Kannin'n 2:12

N wa sokpɛ i i soman'm be nyrun, n wun-man sran kun nga b'ɔ ´ko de i mín sa nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:14

I vinyi fie nin i figie fie b'ɔ kan be ndɛ se kɛ: ‹Min ajaoke nga min soman'm be mannin min'n yɛ'n,› n ´saci be. N ´yo man fie sɔ'n be ´kaci bo ble, kpɛkuun lɛ yɛ blo nnɛn'm be wa didi-ɔ.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .