Ezai 5:30 - NYANMIƐN NDƐ'N 1998

³⁰ I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Ezai 5:30 ပူးပေါင်းရင်းမြစ်များ

Akunndanfuɛ'n 12:2

Blɛ sɔ nun'n, wia'n nin lika b'ɔ kpaja, nin anglo'n, nin nzraama'm be ´yaci kpajalɛ, kpɛkuun kɛ nzue'n ko tɔ b'ɔ ko kpɛ'n, ɔ ´mlan ekun.

Ezai 13:10

Nglo lɔ nzraama'm be su kpaja-man kun. Kɛ wia'n ɔ fite cɛ'n, kpɛkuun ɔ'a nuan, yɛ anglo'n ɔ su ta-man kun .

Ezai 13:4

Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 17:12

Ee! Be nian kɛ sran kpanngban kpa be su kplin-ɔn, be kplinlɛ'n ɔ tɛ kɛ jenvie'n yɛ ɔ su bo sa. Be nganniɛn'n ɔ tɛ kɛ nzue dan b'ɔ sonji kekle kpa b'ɔ klu wuu'n sa.

Ezai 30:6

Mɛn i ngua lɔ nnɛn'm bé wun ndɛ. B'a fa anyanbeun ninnge mun b'a sua aflunmun mun, b'a fa ninnge kpakpa mun b'a sua nyɔnngɔnmɛn mun, be su fa ko man sran'm bɔ be su kwla uka-man be'n. Nyrɛnnɛn, nin awlaboɛ lika'n, b'ɔ ti asɔmɔli bla, nin asɔmɔli yasua, nin ɔnda, ɔ nin dragɔn ng'ɔ tu'n be lika'n, lɛ yɛ be sin-ɔn.

Ezai 59:9

I sɔ'n ti yɛ Nyanmiɛn ɔ sisi i bo b'ɔ nian-man e lika nin-ɔn. I sɔ'n ti yɛ ɔ de-man ye nin-ɔn. E kunndɛ kɛ lika b'ɔ kpaja weiin ɔ bla, sanngɛ aosin'n yɛ ɔ ba-a. E kunndɛ kɛ aliɛ'n ɔ cɛn, sanngɛ lika tuun'n nun yɛ e nanti-ɔ.

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 30:5

I waan: «Awlaboɛ nganniɛn tɛ, srɛ kun sran sɔ nga be kpan'n. Bé wla ti-man ase guawa.

Zeremi 50:42

Bé sa nun ta nin cua. Be yo wlɛ, be si-man sran aunnvuɛ. Kɛ be kpan sa'n, ɔ waan jenvie'n yɛ ɔ su bo-ɔ. Be o be nnɛn kpanngɔ'm be su. B'a jranjran tɛɛn cɛ! Babilɔni, be nin wɔ yɛ b'a ba kunlɛ-ɔ.

Zeremi 6:23

Ta nin cua o sonja sɔ'm bé sa nun. Be yo be ninnge liɛ sinnzin su, be si-man aunnvuɛ. Nganniɛn nga be yo'n ɔ tɛ kɛ jenvie yɛ ɔ su bo sa. B'a fu b'a tran be nnɛn kpanngɔ'm be su. B'a jranjran tɔɔn! A wun be sa-a, ɔ waan sran kunngba-a. Siɔnfuɛ mun be nin be su wa kun.»

Ngwlɛ Yilɛ 3:2

Kɛ ɔ `fa min wɔ lika ng'ɔ kpaja nun'n, nɛ́n i-ɔ. Aosin nun yɛ ɔ fa min tɔtɔ-ɔ.

Ezekiɛl 26:3

I sɔ'n ti, Anannganman Nyanmiɛn wan yoo: Nian, Tir klɔ, e nin wɔ e lɛ i, n ´yo man nvle-nvle kpanngban kpa be ´jaso ɔ́ wun. Be ´jaso ɔ́ wun kɛ jenvie'n i nzue'n b'ɔ jaso kendenglein'n sa.

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 8:9

Anannganman'n waan: «Cɛn sɔ'n nun'n, kɛ wia'n ´ju bé ti afiɛn sɛsɛ'n, n ´yo man lika'n ´ka lɛ lu tuun wia sɔ'n nun lɛ, aosin'n ´wla asiɛ wunmuan'n su .

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Sa nglô yile 6:12

N niannin lɔ, yɛ n wunnin kɛ Bua Gbanflɛn'n kpɛli like nga be fa cicili fluwa'n i nsiɛn su'n nun. I sin, asiɛ'n kejeli dan kpa, wia'n dunnin tuun kɛ bunnde sa, yɛ anglo'n ɔ bloli youun kɛ mmoja sa .