Ezai 5:23 - NYANMIƐN NDƐ'N 1998

²³ Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezai 5:23 ပူးပေါင်းရင်းမြစ်များ

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Nyanndra Mun 17:23

Sran ng'ɔ ti-man kpa'n, sɛ be mɛn i sika kɛ ɔ jran ndɛ tɛ sin'n, ɔ sɔ nun.

Nyanndra Mun 24:24

Sɛ sran kun se klunwifuɛ kun kɛ: «A ti kpa yɛ ɔ klun ti ufue'n,» nzrafuɛ'm be ´bo i sannzan, nzrafuɛ'm be ´fɛ i wun ya.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 32:7

Gblɛfuɛ'n i ninnge ng'ɔ yo be'n be ti tɛtɛ ngunmin. Sa ng'ɔ ko yo be nan yalɛfuɛ'm b'a wun-man bé wun fɛ'n yɛ ɔ yo-ɔ. Ɔ kan gblɛ ndɛ mun kle be. Kannzɛ nyrɛnnɛnfuɛ sɔ'm be ndɛ yo fɛ'n, ɔ yo man be wun-man bé wun fɛ.

Ezai 59:15

Nanwlɛ nun-man lɛ kun, sran nga i waan ɔ yo-man sa tɛ'n, be fɛn i bo ninnge mun. Anannganman wunnin sa ng'ɔ juli'n kwlakwla. Kɛ sran'm be bu-man nanwlɛ'n i like fi kun'n, i sɔ'n ɔ'a yo-mɛn i fɛ.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Matthieu 23:35

nan be kwlaa nga b'a yo-man sa tɛ fi bɔ be kunnin be'n kɛ ɔ fin Abɛl nanwlɛfuɛ'n i blɛ su lele fa juli Barasi wa Zakari bɔ an kunnin i Nyanmiɛn i sua'n nin Nyanmiɛn sɔwlɛ'n be afiɛn'n, bé wie ndɛ'n ɔ'a ka amun su .

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Jacques 5:6

An buli be nga be ti sran kpa'n be fɔ, yɛ an kunnin be, be nin amun a kpli-man.