Ezai 5:22 - NYANMIƐN NDƐ'N 1998

²² Be nga nzan nɔnlɛ'n yɛ ɔ ti be yasua like'n, be nga be waan be `se kɛ be yɛ be ti nzan kekle yifuɛ'm be klikli'n, be yako!

Ezai 5:22 ပူးပေါင်းရင်းမြစ်များ

1 Famiɛn Mun 20:16

Kɛ wia'n juli bé ti afiɛn'n, yɛ be tinnin bé wun ase-ɔ. Kɛ ɔ ´yo sɔ'n, wuun Bɛn-Adad nin famiɛn ablasan-nin-nnyɔn nga be bali i ukalɛ'n, be ti tannin sua'm bé bo lɔ be tɛ nɔn nzan'n.

Ezipt Lɔ Tulɛ'n 23:8

Nán sɔ adi ninnge nun, afin i sɔ ninnge bɔ be fa man'n, be si sran be nyin, kannzɛ sran'n ti sa sifuɛ kpa bɔbɔ o, be si i nyin. Yɛ be saci nanwlɛ difuɛ'm be ndɛ kanlɛ'n.

Nyanndra Mun 20:1

Nzan'n man sran di tutre, nzan kekleekle mun man sran ijɔ fiaii. Sran ng'ɔ nɔn nzan ngboko'n, ɔ si-man ngwlɛlɛ .

Nyanndra Mun 23:29

?Wan yɛ ɔ o nyrɛnnɛn nin ngokoɛ nun-ɔn? ?Wan yɛ ɔ kpan ɔo nin cuekee nin-ɔn? ?Wan yɛ i ngunmin tu ngondin sa ɔ wie-man nin-ɔn? ?Wan yɛ ɔ tri nin-ɔn? ?Wan yɛ be fin i like ngbɛn nin-ɔn? ?Wan yɛ ɔ wun-man ase kpa nin-ɔn?

Nyanndra Mun 31:4

Lɛmuɛl, famiɛn kun sa'n, ɔ nin i fata-man kɛ ɔ nɔn nzan. Nzan kekle'n, ɔ fata-man kɛ kpɛnngbɛn'm be fa cici bé ti .

Nyanndra Mun 31:5

Afin sɛ be nɔn be bo'n, bé wla ´fi mmla'n, yɛ be ´di yalɛfuɛ'm be ndɛ kwlɛ.

Ezai 22:13

Sanngɛ amun klun ti jɔwa, yɛ able yɛ amun si-ɔ. Amun kun nannin, amun kun bua, amun di nnɛn, yɛ amun nɔn nzan. Amun se kɛ: «Man e di like e nɔn nzan, afin sɛ ainman e wu'n wuun e liɛ a wie .»

Ezai 24:9

Be nɔn-man nzan kun, be to-man jue. Nzan kekle'm b'a yo wiwi nzan nɔnfuɛ'm bé nuan nun.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Ezai 56:12

Be se kɛ: «Man e wɔ e ko kunndɛ nzan, man e nɔn nzan kekle mun nan ɔ `ti ye! Ainman'n, e ´yo kɛ ndɛkɛn sa'n ekun. Ng'ɔ ka lɛ bɔ e ´nɔn'n tɛ sɔn.»

Abakik 2:15

Sran nga i waan ɔ ´mɛn wiengu'm be nzan kekleekle nan be nɔn be bo nan be kpa bé bo ngbɛn nan ɔ ´nian be'n, i yako lele!