Ezai 5:20 - NYANMIƐN NDƐ'N 1998

²⁰ Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Ezai 5:20 ပူးပေါင်းရင်းမြစ်များ

Zɔb I Nyrɛnnɛn Wunlɛ 17:12

Min janvuɛ'm be fa kɔnguɛ'n bu wia, be waan aliɛ su wa cɛn kusu wuun ɔ su san.

Ezipt Lɔ Tulɛ'n 23:7

Nán sie ɔ́ su ato ndɛ'm bé bo. Nán kun sran nga ɔ'a yo-man sa tɛ'n, ɔ nin sran kpa'n. Sran ng'ɔ yo i sɔ sa tɛ liɛ'n, n ´tu i fɔ.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Nyanndra Mun 4:17

Klunwi yolɛ'n ti kɛ be aliɛ sa yɛ be di-ɔ. Sa kekleekle yolɛ'n ti kɛ be nzan sa yɛ be nɔn-ɔn.

Ezai 24:9

Be nɔn-man nzan kun, be to-man jue. Nzan kekle'm b'a yo wiwi nzan nɔnfuɛ'm bé nuan nun.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 30:10

Be se jeliwafuɛ'm be kɛ: «Amún ti nun ase wunlɛ'n ti ngbɛn.» Be kan kle be nga be wun aolia nun sa'm be kɛ: «Nán amun kan sa nanwlɛ bɔ amun wun be'n kle ye. Amun `kan ato ndɛ mun kle ye. Amun kan ndɛ b'ɔ yo be su nun nɛnkɛn-nɛnkɛn'n.

Ezai 32:5

Sran b'ɔ ti sinnglinfuɛ'n, be su se-man kɛ ɔ ti sran ndɛnman su kun. Sran b'ɔ ti gblɛfuɛ'n, be su se-man kɛ ɔ ti sran bɔ i klun ti ufue'n kun.

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Amɔs 5:7

Amun yo man sa ng'ɔ ti kpa'n, sran'm be bu i sa tɛ. Be nga be di nanwlɛ'n, amun yi be ase.

Mise 3:2

Sanngɛ kpɛkuun sa kpa'n, amun klo-mɛn i yolɛ, san sa tɛfuɛ'n cɛ yɛ amun klo i yolɛ-ɔ. An yi sran'm bé kplo'n nin be nnɛn'n, kpɛkuun be owie ngbɛn'n gua su.

Abakik 1:4

Sran'm be bu-man mmla'n i like fi kun, be di-man ndɛ nanwlɛ kun. Klunwifuɛ'n ɔ tɔ nanwlɛfuɛ'n su. Ɔ man ɔ jɔlɛ nga sran'm be di'n, wie fi ti-man su.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.