Ezai 5:2 - NYANMIƐN NDƐ'N 1998

² Ɔ dili asiɛ'n su junman, ɔ yiyili i nun yɛbuɛ mun, ɔ tali nun vinyi nglanman nglanman mun. Ɔ kplannin akpa fleiin kun fie'n i afiɛn. Ɔ kpɛli kunman kun. Kunman sɔ'n ɔ ti vinyi mma nzue cuɛnwlɛ. Ɔ bu i kɛ vinyi'n ɔ wa su mma kpa, kpɛkuun ɔ ´su-ɔ, mma tɛtɛ yɛ ɔ'a su-ɔ.

Ezai 5:2 ပူးပေါင်းရင်းမြစ်များ

2 Samiɛl 7:10

M'an man min nvle'n bɔ yɛlɛ Izraɛl'n i lika kun. M'an tɛkɛ i lɛ, be su tu-mɛn i bo, sa fi su kun-mɛn i srɛ kun. Sran tɛtɛ'm be su kle-mɛn i yalɛ kun

Neemi 13:15

Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Jue Mun 80:8

Nyanmiɛn wɔ bɔ a sie mɛn wunmuan'n, man e su ekun! Nian e nyrun klanman, i liɛ'n e ´nyan é ti.

Jue Mun 80:9

A tuli vinyi fie kun bo Ezipt lɔ, kpɛkuun a ko fuannin nvle wie mun, yɛ a tali fie sɔ'n be mɛn'n nun.

Ezipt Lɔ Tulɛ'n 33:16

?Ɔ ´yo sɛ nan sran'm b'a si kɛ a su yo min nin min nvlefuɛ mun e ye? ?Nán kɛ a nin ye ´nanti bɔ ngbaciɛ tran min nin min nvle'n e nin nvle kun nga mun ye afiɛn nin-ɔn?»

Ezai 1:8

Zerizalɛmfuɛ'm be ngunmin b'a ka lɛ kɛ kuku b'ɔ o vinyi fie kun nun'n sa, b'a ka lɛ kɛ kpata b'ɔ ɔ'a ka blo'n sa, b'a ka lɛ kɛ klɔ bɔ i sufuɛ'm be kpɔfuɛ'm b'a sin b'a yiɛ i'n sa.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Zeremi 11:17

Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 2:21

Kusu n kpali wɔ kɛ be kpa vinyi mma kpa'n sa yɛ n tali wɔ-ɔ. N tali wɔ kɛ vinyi wie bɔ fiɛn kaan sa nun-mɛn i wun'n sa. ?Ɔ yo sɛ yɛ man a wa kaci yoli blo vinyi nin-ɔn?

Ndɛ Nga Nyanmiɛn I Nuan Ijɔfuɛ Oze Kannin'n 10:1

Laa, Izraɛl ti kɛ vinyi fie bɔ ɔ'a bua bɔ ɔ'a su kaka klanman'n sa. Sanngɛ kɛ ɔ ´su mma kpanngban ´kɔ i nyrun'n, wuun i sraka yiwlɛ'm be kusu be ´sɔn be liɛ. Kɛ mɛn'n ´yo klanman ´kɔ i nyrun'n, wuun blɛ li yɛ b'a se kɛ ɔ taka yɛbuɛ nga be sɔ be mun-ɔn.

Mise 4:8

Zerizalɛm kpɔlɛ, wɔ bɔ a ti kɛ min nnɛn'm be sasawlɛ lika sa'n, ɔ ka kaan a ´sa ɔ sin ´sie mɛn'n ekun kɛ laa'n sa. Zerizalɛm ɔ ´sɛ sin ´yo famiɛn klɔ ekun.»

Kalɛ 23:9

Kɛ n wo kpɔlɛ'n su wa'n, n nian nvle sɔ'n i nun sran mun. Kɛ n wo kpɔlɛ'm bé ti su wa bɔ n nian be'n, be ti nvle kun bɔ be o be ngunmin, be nin nvle kun nga'm be ti-man kun.

Matthieu 21:19

Ɔ wunnin figie bo kun atin'n nun, ɔ ɔli i bo lɔ, ɔ'a wun-man mma su, san nnya yɛ ɔ o su-ɔ. Yɛ ɔ seli kɛ: «Ɔ waka nga, a su su-man kun le! Kpɛkuun figie sɔ'n wuli kee be osu kunngba'n nun lɛ.»

Matthieu 21:33

«An `tie nyanndra kun ekun. Awlo bo kpɛn kun o lɛ, ɔ dili vinyi fie, ɔ sili i wun. Ɔ kpɛli vinyi'n i mma i nzue cuɛnwlɛ, yɛ ɔ kplannin akpa fleiin kun, i sin ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun .

Matthieu 21:34

Kɛ vinyi i mma'n i tilɛ mantannin'n, ɔ sunmɛnnin i sran mun vinyi fie'n i sunianfuɛ'm bé sin kɛ be ko fɛ i liɛ blɛ i.

Marc 11:13

Ɔ wunnin figie bo kun mmua lɔ, nnya o su. Ɔ ɔli kɛ ɔ ko nian sɛ ɔ ´nyan mma wie su o, sanngɛ kɛ ɔ wunngeli lɔ'n, ɔ'a wun-man like fi san i nnya'n, afin nán figie'm be sulɛ blɛ nin-ɔn.

Marc 12:1

Jésus buli nyanndra wie kleli be. Ɔ seli kɛ: «Bian kun di i vinyi fie. Ɔ sili i wun, yɛ ɔ kpɛli vinyi'n i nzue cuɛnwlɛ, ɔ kplannin akpa fleiin kun, yɛ ɔ fa wlali vinyi fie sunianfuɛ'm bé sa nun nan ɔ'a ɔ mɛn wie nun .

Marc 12:2

Kɛ ɔ juli vinyi'n i tilɛ'n, ɔ sunmɛnnin i sran kun vinyi sunianfuɛ'm be sin kɛ ɔ ko fɛ i liɛ blɛ i.

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

1 Korɛntfuɛ Mun 9:7

?Wan yɛ ɔ o sonja nun b'ɔ tuɛ i bɔbɔ wun kalɛ-ɔ? ?Wan yɛ ɔ di fie b'ɔ di-man su like-ɔ? ?Wan yɛ ɔ ta nnɛn b'ɔ nɔn-mɛn i nɔnnɔn-ɔn?

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

Jɔlɛ Difuɛ Mun 16:4

I sin Samsɔn wa kloli bla kun b'ɔ tran Sɔrɛk kongo'n nun lɔ. Be flɛ i kɛ Delila.