Ezai 5:18 - NYANMIƐN NDƐ'N 1998

¹⁸ Be nga be fa gblɛ kpɛlɛ'n yo kɛ nyanman sa be fa cuɛn fɔnlɛ'n, be nga be cuɛn sa tɛ'n kɛ be fa cuɛn kakaklolo sa'n, be yako!

Ezai 5:18 ပူးပေါင်းရင်းမြစ်များ

Jue Mun 10:11

Ɔ se i anwlɛn'n nun kɛ: «Nyanmiɛn i wla fi ninnge mun. Nyanmiɛn kɛtɛ i nyin, ɔ wun-man like fi mlɔnmlɔn!»

Jue Mun 14:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Sinnglinfuɛ'n ɔ se i anwlɛn'n nun kɛ Nyanmiɛn nun-man lɛ. B'a saci mlɔnmlɔn, tete'n yɛ be bo-ɔ, be wie fi yo-man sa kpa .

Jue Mun 36:2

Klunwifuɛ'n i nyin kekle ndɛ'n b'ɔ kan'n, ɔ o min klun. Ɔ se kɛ sa kpa nga ti bɔ be sro Nyanmiɛn'n ɔ wun-mɛn i .

Nyanndra Mun 4:17

Klunwi yolɛ'n ti kɛ be aliɛ sa yɛ be di-ɔ. Sa kekleekle yolɛ'n ti kɛ be nzan sa yɛ be nɔn-ɔn.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Zeremi 36:23

Kɛ Zɛidi ko kanngan fluwa i bue nsan o annzɛ nnan o, wuun famiɛn'n ɔ'a fa awa'n i fluwa klɛfuɛ'n i laliɛ'n ɔ'a kpɛkpɛ nun ɔ'a guɛ i sin nun. Ɔ yoli i sɔ lele ɔ yrali fluwa'n i wunmuan'n.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Sofoni 1:12

Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Sa nga bé yôli'n 26:9

N liɛ'n, n jaoli kpa kɛ n ´nunnun Jésus b'ɔ fin Nazarɛt'n i dunman'n su.

Jɔlɛ Difuɛ Mun 17:13

Mika waan: «Kɛ m'an nyan Levifuɛ kun b'ɔ ti min amuɛn'm be nyrun tranfuɛ yɛ'n, siɛn liɛ'n, n si kɛ Anannganman ɔ wa man min muae.»

Jɔlɛ Difuɛ Mun 17:5

Mika sɔ'n, ɔ lɛ i bɔbɔ i amuɛn sua. Ɔ yili waka sran uflɛ ɔ nin awlo amuɛn wie mun. Yɛ ɔ fɛli i wa'm be nun kun sieli kɛ ɔ yo i amuɛn'm be nyrun tranfuɛ.