Ezai 5:16 - NYANMIƐN NDƐ'N 1998

¹⁶ Anannganman b'ɔ sie mɛn wunmuan'n, ɔ ti dan, afin ɔ yo sa i nuan su. Ɔ ti saun, i nzuɛn'n nin klɔ sran liɛ'n ti-man kun, afin ɔ nian mmla'n su yɛ ɔ yo i sa liɛ mun-ɔn.

Ezai 5:16 ပူးပေါင်းရင်းမြစ်များ

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Jue Mun 21:13

Afin a ´yo man be ´wanndi, kpɛkuun a ´to bé wun ta.

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

Ezai 12:4

Yɛ cɛn sɔ nun'n, amun ´se kɛ: «Amun `manman Anannganman, amun `kpan flɛ i, i sa dandan ng'ɔ yo be'n, amun `kan be nvle-nvle'm be nun. Amun `kpɛn sran'm bé wla kɛ i dunman'n ti fuwa.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:9

I sɔ'n ti, be wa kan sran'm be ase, yɛ be wa gua be nyin ase. Yɛ wɔ Anannganman, nán yaci sa fi cɛ be!

Ezai 28:17

Sɛ n kwla ´se'n, min nyanman nga n ´fa sunnzun like'n yɛlɛ sa i nuan su yolɛ'n, yɛ min nyanman bɔ sunmun wo i nuan, bɔ n nian su bɔ man kɛ n ´kplan talɛ'n ɔ yo seiin'n, yɛlɛ mmla'n.» Sɛ e fa ato'n e sunnzun fiawlɛ'n e `se kɛ nzraama bɔ kɛ nzue ´tɔ'n ɔ gua'n, ɔ ´saci i. Sɛ e fa gblɛ'n e sunnzun sua'n, e se kɛ nzue'n ɔ sonji wlu nun'n, ɔ ´yi.

Ezai 29:23

Afin kɛ be mma'm be ´wun sa nga n ´yo i be afiɛn'n, be su yo-man n dunman'n i finfin, m bɔ n ti Zakɔb i Nyanmiɛn'n, be su fa-man min sanngan-man ninnge nga be su be'm be nun, yɛ bé nyin ´yi m bɔ n ti Izraɛl Nyanmiɛn'n.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 33:10

Anannganman'n wan yoo: «Siɛn'n, n wa tin min wun ase, siɛn'n, n wa yi min wun nglo, siɛn'n, n wa kle kɛ n ti dan.

Ezai 33:5

Anannganman'n yɛ ɔ kwla-a, afin ɔ tran nglo lɔ. Ɔ'a sie nanwlɛ dilɛ'n nin sa nuan su yolɛ'n Zerizalɛm wunmuan'n nun.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezai 8:13

Anannganman b'ɔ sie mɛn wunmuan'n i kunngba yɛ ɔ fata kɛ amun kisɛ i su-ɔ. I yɛ ɔ fata kɛ amun nyin yi i-ɔ, i yɛ ɔ fata kɛ amun sro i-ɔ.

Ezekiɛl 20:41

Kɛ n ko fa amun nvle-nvle'm be nun nin mɛnmɛn nga amun bo sanndili nun be nun n ko ba'n, bɔ n ko yiayia amun'n, n ´sɔ amun nun klanman kɛ tɛ ng'ɔ bɔn fannin'n sa. N wa fa amun n klekle nvle-nvle'm be kɛ min liɛ'n min nzuɛn'n nin klɔ sran liɛ'n ti-man kun .

Ezekiɛl 28:22

Se kɛ Anannganman Nyanmiɛn wan yoo: ‹Sidɔn, e nin wɔ e lɛ i, min dunman'n ɔ wa fu wɔ afiɛn, yɛ blɛ bɔ n wa di n jɔlɛ'n, sran'm be wa si jrɛiin kɛ min yɛ n ti Anannganman nin-ɔn. N ´kle kɛ min nzuɛn'n nin klɔ sran liɛ'n ti-man kun.

Ezekiɛl 28:25

Anannganman Nyanmiɛn wan yoo: ‹N wa fa Izraɛlfuɛ mun nvle-nvle nga be bo sanndili nun'n be afiɛn n ´tian bé nuan, yɛ n ´kle nvle-nvle'm be kɛ n ti Nyanmiɛn kun bɔ min nzuɛn'n nin klɔ sran liɛ'n ti-man kun. Be ´tran be bɔbɔ be mɛn'n nun, mɛn bɔ n fa mannin min sufuɛ Zakɔb'n.

Ezekiɛl 36:23

Kannzɛ bɔ amu'an saci min dunman'n kaiin nvle-nvlefuɛ'm be afiɛn'n, n wa kle nvle sɔ'm be kɛ n ti Nyanmiɛn kpli bɔ min nzuɛn'n nin klɔ sran liɛ'n ti-man kun. I sɔ'n ti'n, n ´yo man amun ´man n kɔmin su ekun. Yɛ be wa si jrɛiin kɛ n fa ti nin-ɔn.› » Anannganman Nyanmiɛn yɛ ɔ kan sɔ-ɔ.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Kalɛ 20:13

Mɛriba nzue'n i bo'n yɛlɛ Utre, afin i blɛ sɔ'n nun yɛ Izraɛlfuɛ'm be kunndɛli Anannganman i utre, yɛ ɔ kleli be kɛ i nzuɛn nin klɔ sran liɛ'n ti-man kun nin-ɔn.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

1 Piɛr 1:16

Afin be klɛli i kɛ: «Min nzuɛn'n nin klɔ sran liɛ'n ti-man kun, i sɔ'n ti man amun nzuɛn liɛ'n fa min liɛ'n .»

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .

Sa nglô yile 3:7

«Nian ndɛ nga n klo kɛ a klɛ ko man Filadɛlfi asɔnun'n i anz'n yɛ: ‹M bɔ n ti Nyanmiɛn liɛ'n, bɔ n ti nanwlɛfuɛ'n, bɔ David i lakle'n wo min sa nun, bɔ sɛ min nyin anuan-an sran kwla tike-man'n, bɔ sɛ n tike-ɔ sran kwla nyin-man'n , n se kɛ yoo:

Sa nglô yile 4:8

Like nnan sɔ'n be lɛ ndɛwa nsiɛn-nsiɛn, yɛ nyinma o be wunnɛn'n kwlaa su. Wia nun nin kɔnguɛ be to jue se kɛ: «I nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. Nyanmiɛn b'ɔ kwla like kwlaa yo'n, ɔ o lɛ, ɔ o lɛ lalaa, yɛ ɔ ´ka lɛ!» Be yaci-man jue sɔ'n i tolɛ mlɔnmlɔn .