Ezai 5:12 - NYANMIƐN NDƐ'N 1998

¹² Kɛ be ´bo jru'n, nin aluku'n, ɔ nin klɛn, ɔ nin blo'n, wuun be ´nɔn nzan'n be ´bo. Be nian-man sa nga n yo be'n, be nian-man junman nga n di be'n.

Ezai 5:12 ပူးပေါင်းရင်းမြစ်များ

Bo Bolɛ 31:27

?Nzu ti yɛ a laka min bɔ a fia bali, bɔ a kale-man min-ɔn? Sɛ ɔ ti kɛ a kaleli'n, wuun n guali amun atin'n, wuun e toli jue e boli klɛn nin jru'n, wuun e sili able yɛ m mannin wɔ atin-ɔn.

2 Samiɛl 19:35

Barzilai waan: «?Nannan, n tɛ di le nnyɛ nguan nun bɔ man e nin wɔ e kɔ Zerizalɛm-ɔ?

Zɔb I Nyrɛnnɛn Wunlɛ 34:27

Yɛlɛ kɛ be kacili bé sin be sili i. Be waan be fɛ-mɛn i ndɛ'm be su.

Jue Mun 28:5

Afin like nga Anannganman yo be'n, be bu-man be akunndan. Man i kusu yi be ase, nán be kwla jaso kun.

Ezai 22:13

Sanngɛ amun klun ti jɔwa, yɛ able yɛ amun si-ɔ. Amun kun nannin, amun kun bua, amun di nnɛn, yɛ amun nɔn nzan. Amun se kɛ: «Man e di like e nɔn nzan, afin sɛ ainman e wu'n wuun e liɛ a wie .»

Ezai 24:8

Klɛn bɔ be bo i aklunjuɛ'n ti'n, ɔ'a wie. Bo srolɛ'n i nganniɛn'n, ɔ'a kpɛ. Jru bɔ be bo'n bé wun kpaja be'n, ɔ'a jran.

Ezai 29:1

«Ariɛl klɔ'n bɔ David kpɛli i ngblaliɛ sin yiɛli i laa'n, be `se i kɛ i yako o, yako! Amun `di amun cɛn mun man be wie. Afuɛ ekun'n,

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ezai 56:12

Be se kɛ: «Man e wɔ e ko kunndɛ nzan, man e nɔn nzan kekle mun nan ɔ `ti ye! Ainman'n, e ´yo kɛ ndɛkɛn sa'n ekun. Ng'ɔ ka lɛ bɔ e ´nɔn'n tɛ sɔn.»

Ezekiɛl 26:13

N ´jran amun jue tolɛ mun. Be su ti-man jru bolɛ kun.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

1 Korɛntfuɛ Mun 14:7

?An nian, ninnge bɔ be bo be'n, sɛ kete o, sɛ aluku o, sɛ be bo b'ɔ fite-man kpa'n, ɔ ´yo sɛ yɛ be ´wun jue bɔ be fa to'n i wlɛ-ɔ?

Jude 1:12

Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.