Ezai 5:10 - NYANMIƐN NDƐ'N 1998

¹⁰ Sɛ be ta vinyi ɛktar nsan'n, nzan litri ablenun yɛ be ´nyɛn i nun-ɔn. Yɛ sɛ be gua ble kilo ya'n, be ´kpɛ ble kilo blu cɛ.»

Ezai 5:10 ပူးပေါင်းရင်းမြစ်များ

Ezipt Lɔ Tulɛ'n 37:22

Kannin siewlɛ'n i su like kpɔlɛ kpɔlɛ mun nin i sama'm be sa su kunngba. Sika ɔkwlɛ jrɛiin'n yɛ be fa yoli kannin siewlɛ'n i wunmuan nin-ɔn. Sika ɔkwlɛ sɔ'n be boli i kɛ be fa bo blalɛ'n sa.

Ezai 32:13

Min nvle'n nunfuɛ'm be asiɛ'n, ndre tɛ'n yɛ ɔ'a fu nun siɛn nin-ɔn, yɛ owie-owie'm b'a fifi nun. Klɔ'n bɔ be si able su'n, ndre tɛ sɔ'n ɔ'a fu nun wie, yɛ owie sɔ'm b'a fifi nun wie.

Ezai 7:23

Blɛ sɔ nun'n, vinyi fie bɔ i su vinyi ja'n ti akpi'n, bɔ bé gua kwla ju jɛtɛ ufue akpi'n, be ´ka owie-owie nin flɔn'm be nun.

Zeremi 48:33

Aklunjuɛ nin talolɛ ekee'n wieli Moab fie nglanman'm be su. N yoli man nzan sɛ dandan'm be nun wuli kee. Vinyi mma nga be ´cuɛn'n, wuun be ´bo sro'n, ɔ nun-man nun sɔ kun.

Zoɛl 1:17

Ninnge nga be luali'n, be kplɔli asiɛ'n nun. Ble'n ɔ'a wie, tanngannin'm b'a ka ngbɛn, like siewlɛ'm b'a saci.

Saun Yolɛ 26:26

N ´to amun awe. Kpaun tɔnwlɛ kunngba nun sa yɛ bla blu be ´kwla be tɔn kpaun-ɔn. Kpɛkuun kpaun kanngan sa yɛ bla sɔ'm be ´fa blɛ amun-ɔn. Sɛ amun di bɔbɔ'n, ɔ su kata-man amun ku bo .

Saun Yolɛ 27:16

Sɛ sran kun fɛ i fie'n kun man min'n, fie'n i gua nga be ´kpɛ'n, ɔ ´fin like kɛ ɔrz sa bɔ be ´fa guɛ i fie nun'n, sɛ ɔ sɔnnin o, sɛ i kusu ɔ'a sɔn man o, i su yɛ be nian be di gua nin-ɔn. Ɔrz kilo ya nsan'n ti jɛtɛ mma ufue ablenun.

Ndɛ Nga Nyanmiɛn I Nuan Ijɔfuɛ Aze Kannin'n 1:6

Amun fie'm bé su ninnge nga amun luali'n, ɔ'a sɔn-man ngowa, sanngɛ be su mma nga amun tili'n ti kaan sa. Aliɛ nga amun nyɛn i be di'n, ɔ ju-man amun. Nzan nga amun nyɛn i be nɔn'n, ɔ ju-man amun. Tralɛ nga amun nyɛn i be wla'n, ɔ kwla tu-man amún wun ayrɛ'n. Amun junman difuɛ'm be sika'n ɔ ti kɛ sika bɔ b'a fa sie bɔlɛ bɔ i bo ti fitiwa'n nun sa.»

Ndɛ Nga Nyanmiɛn I Nuan Ijɔfuɛ Aze Kannin'n 2:16

?Nguɛ sa yɛ ɔ tɔli amún su laa? ?Kɛ sran kun waan ɔ su ko fa ble kilo ablaɔn'n, nán kilo blu cɛ yɛ ɔ nyɛn i tanngannin'n nun lɔ-ɔ? ?Kɛ i waan ɔ su ko sa nzan litri ablenun nzan sɛ'n nun'n, nán litri ablaɔn cɛ yɛ ɔ nyɛn i-ɔ?

Mmla'n 28:38

Amun ´di fie dandan, sanngɛ lalo'm be wie i nun ninnge'm be ´di. Like nga amun ´nyɛn i fie sɔ'm be su'n, ɔ ´yo kaan sa .

Mmla'n 28:39

Amun ´ta vinyi, amun ´niɛn i lika, sanngɛ kakaa'm be ´wie i ngba di, amun su nyɛn-mɛn i mma wie yo-man nzan nan se kɛ amun ´fa wie sie.