Ezai 48:7 - NYANMIƐN NDƐ'N 1998

⁷ Nán laa sa mun-ɔn, sanngɛ blɛ li yɛ be su wa ju-ɔ. Lele b'ɔ ´fa ju ndɛ yɛ'n, amun `nian ti-mɛn i le. I ti amun kwla se-man kɛ: «E si be kpa!»

Ezai 48:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 32:13

Nán amun se kɛ: «Sran nin i be kan-an ɔ su kpɛ-man. Nyanmiɛn yɛ ɔ nin i kan-an ɔ ´kpɛ-ɔ.» Nán i sɔ selɛ'n yɛ ɔ ti i atin nin-ɔn.

Ezai 48:6

Amun tili sa nga m boli be su'n, yɛ amun wun kɛ i kwlaa'n i nuan yiali. ?Yɛ amun su kan-man sa sɔ mun kle-man sran? Kɛ ɔ fin ndɛ'n, n ´kle amun sa uflɛ bɔ n fiali bé su bɔ amun si-man be'n.

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»