Ezai 48:6 - NYANMIƐN NDƐ'N 1998

⁶ Amun tili sa nga m boli be su'n, yɛ amun wun kɛ i kwlaa'n i nuan yiali. ?Yɛ amun su kan-man sa sɔ mun kle-man sran? Kɛ ɔ fin ndɛ'n, n ´kle amun sa uflɛ bɔ n fiali bé su bɔ amun si-man be'n.

Ezai 48:6 ပူးပေါင်းရင်းမြစ်များ

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Jue Mun 119:13

Ndɛ nga a kannin'n, n ´nian su n ´kɛn i kunngun n ´gua lɔ.

Ezai 21:10

Min nvle'n nunfuɛ mun, amun bɔ be boli amun kɛ be fa bo ble'n i bowlɛ'n nun sa'n, sa nga Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n, ɔ kan kleli min'n yɛ m'an kan kle amun lɛ-ɔ.

Ezai 42:20

A wunnin ninnge kpanngban kpa, sanngɛ w'a bu-man be akunndan. Ɔ su'm be ti tikewa sanngɛ ɔ'a ti-man ndɛ fi.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 43:19

Amun `nian, n wa yo sa uflɛ kun, be su wun i bue nuan bɔbɔ. ?Amun su ´wun-mɛn i wlɛ? N wa tike atin kun aawlɛ flɛnnɛn'n nun, yɛ n wa yo man nzue ba'm be ´sonji asiɛ kee'n nun.

Ezai 48:7

Nán laa sa mun-ɔn, sanngɛ blɛ li yɛ be su wa ju-ɔ. Lele b'ɔ ´fa ju ndɛ yɛ'n, amun `nian ti-mɛn i le. I ti amun kwla se-man kɛ: «E si be kpa!»

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Mise 6:9

Anannganman se klɔfuɛ'm be kɛ be nga bé nyin yi i'n, be ´nyan bé ti. «Zida akpasua sufuɛ mun, amun kwlaa nga amun yia klɔ'n su yɛ'n, an `tie!

Matthieu 10:27

Ndɛ nga n kan kle amun aosin nun'n, an `kɛn wia nun, yɛ ndɛ nga be tu i aswre kle amun'n, an `ko bo i ndolo.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

Sa nglô yile 1:19

I sɔ'n ti, klɛ like nga a wunnin be bɔ be o lɛ kɛ e ´se yɛ'n, nin nga cɛn wie lele be ´yo'n.

Sa nglô yile 4:1

Kɛ ɔ yoli sɔ'n, n ´nian-an b'a tike anuan kun nyanmiɛn su lɔ. Sran klikli nga n tili i nɛn'n, i nɛn'n tɛ kɛ awɛ sa, ɔ seli n kɛ: «Fu wa, m ma kle wɔ like nga cɛn wie lele ɔ wa yo'n.»