Ezai 48:4 - NYANMIƐN NDƐ'N 1998

⁴ Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ezai 48:4 ပူးပေါင်းရင်းမြစ်များ

2 Famiɛn Mun 17:14

Sanngɛ b'a tie-man ndɛ nga be kan kleli be'n. Be yoli nyin kekle kɛ bé nannan'm bɔ b'a lafi-man Anannganman be Nyanmiɛn'n i su'n be sa.

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Neemi 9:28

Kɛ be fiteli nun cɛ'n, kisie'n ɔ'a yia-man jɔlɛ'n, wuun b'a bo tɛ yolɛ'n bo ɔ́ wun ekun. Yɛ a fa be wlali be kpɔfuɛ'm bé sa nun ekun kɛ be mian be nun. Be kpan flɛli wɔ ekun. Ɔ kusu kɛ a o Nyanmiɛn su lɔ'n, a tili be kpanlɛ'n, wɔ aunnvuɛ silɛ dan'n ti a deli be blɛ sunman.

Jue Mun 75:5

N se wun tufuɛ'm be kɛ: ‹Man wun tulɛ'n wie lɛ!› Yɛ be nga be bu-man min like fi'n, bɔ be bu-man min nuan ndɛ'n i like fi'n, be kusu n se be kɛ: ‹Amun `yaci amún wun dandan yolɛ'n.

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 32:9

Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Ezipt Lɔ Tulɛ'n 33:5

Anannganman seli Moiz kɛ: «Kan kle Izraɛlfuɛ'm be kɛ: ‹Amun ti sran bɔ amun nyin su ti kekle. Sɛ e nin amun e kɔ kaan sa-a, n ´wie amun nunnun. Amun `yiyi amun blɛ dilɛ ninnge mun nan m'an wun nga n ´fa yo amun'n.› »

Ezipt Lɔ Tulɛ'n 9:7

Famiɛn'n sunmannin sran ko niannin Izraɛlfuɛ'm be wun lɔ, be wunnin kɛ Izraɛlfuɛ'm be nnɛn ba kun sa ɔ'a wu-man. Sanngɛ famiɛn'n i anwlɛn'n keteli ekun, kpɛkuun i waan ɔ yaci-man be nun nan be kɔ-man.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Ezai 30:9

Afin sran sɔ'm bé nyin ti kekle, be ti ba bɔ be sɔn-man bé su, bɔ be klo-man kɛ be ti min Anannganman min mmla mun.

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 2:4

Sran bɔ bé nyin su ti kekle bɔ be kan ndɛ kle be-ɔ, be ti-man'n, bé sin yɛ n su sunman wɔ lɛ. Se be kɛ: ‹Anannganman Nyanmiɛn wan yoo.›

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Mmla'n 10:16

Ɔ man i ti'n, amun `fa amun wun mɛn i mlɔnmlɔn. Nán amun yo nyin kekle i su kun.

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Hébreu 3:13

Sanngɛ kɛ ɔ ´yo nan b'a laka-man amun nun wie nan ɔ'a yo-man sa tɛ ɔ'a kete-man'n, an `tu amun wun fɔ cɛn'n kwlaa bɔ be tɛ se kɛ: «Ndɛkɛn'n.»