Ezai 48:1 - NYANMIƐN NDƐ'N 1998

¹ Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Ezai 48:1 ပူးပေါင်းရင်းမြစ်များ

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Bo Bolɛ 35:10

Ɔ seli i kɛ: «Wɔ dunman laa'n yɛlɛ Zakɔb, sanngɛ be flɛ-man wɔ sɔ kun. Siɛn'n, ɔ dunman yɛlɛ Izraɛl.» Nyanmiɛn flɛli i kɛ Izraɛl.

2 Famiɛn Mun 17:34

Lele ndɛ be like nga be yoli be laa'n, be tɛ yo. Be su-man Nyanmiɛn. Be di-man be bɔbɔ be mmla'm bé su, kusu be fa-man Anannganman i mmla fanunfanun'm be su. I mmla sɔ'n, ɔ fa be mannin Zakɔb b'ɔ kacili i dunman'n kɛ Izraɛl'n i osu'n nunfuɛ mun.

2 Famiɛn Mun 5:20

Kpɛkuun Geazi b'ɔ ti Nyanmiɛn i nuan ijɔfuɛ Elize i gbanflɛn'n seli i klun lɔ kɛ: «Kpaa, min min'n ɔ'a yaci Naaman b'ɔ ti Sirifuɛ'n i nun ɔ'a ɔ. Ɔ'a sɔ-man like ng'ɔ fa bali kɛ ɔ ´fa man'n nun. N kan Anannganman ti! N ´wanndi n ´su i su, nan n ´se i kɛ ɔ man min like.»

Jue Mun 63:11

Man be wɔ sran sɔ'm be kue sa bi! Man nsoso'm be di be fuɛn'n.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Jue Mun 68:26

Jue tofuɛ mun yɛ be dun mmua-a, be nga be bo ngowa kanlɛ ninnge fanunfanun'm be o siɛn, yɛ talua'm be o afiɛn. Kɛ be ´kɔ'n, wuun talua'n be ´bo klɛn kanngan mun.

Jue Mun 68:27

Amun `la Nyanmiɛn ase anyia'm be nun, amun bɔ amun ti Izraɛlfuɛ'n, amun `la e Min'n i ase.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Nyanndra Mun 5:16

?Kɛ ɔ nzue ti'n ɔ sonji ondua'n, i klanman lika'n yɛlɛ onin? ?Kɛ ɔ sonji gua'n su'n, i klanman lika'n yɛlɛ onin?

Ezai 26:13

Anannganman e Nyanmiɛn, siefuɛ uflɛ'm be sieli ye. Sanngɛ ɔ kunngba cɛ ɔ dunman'n yɛ e bo-ɔ.

Ezai 44:5

Kun ´se kɛ: ‹N ti Anannganman i liɛ.› Sran uflɛ ´se kɛ ɔ ´fa Zakɔb i dunman'n, yɛ sran kun ekun ɔ ´klɛ i sa'n su kɛ: ‹N ti Anannganman i sran.› Yɛ ɔ ´fa Izraɛl i dunman'n ɔ sie i su.»

Ezai 45:23

M bɔbɔ n ta mín wun nda, ndɛ ng'ɔ ti su'n yɛ ɔ fin mín nuan fite-ɔ, ndɛ sɔ'n n su kaci-mɛn i, sran'm be kwlaa be ´koto ḿ bo yɛ be kwlaa be ´ta nda min dunman nun .

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Ezai 51:1

Amun nga bɔ amun kunndɛ nanwlɛ'n, bɔ amun fa amún wun mantan Anannganman'n, amun `tie ndɛ nga n kan'n! Sɛ amun ti yɛbuɛ'n, wuun n ´se kɛ amun `nian yɛbuɛ nga bɔ i nun yɛ be sɛli amun'n, yɛ amun `nian kunman nga be fali amun nun'n.

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Ezai 65:16

Mɛn'n nga nun wa'n, be nga be klo kɛ be `yra be nguan'n, be ´se kɛ be `bo min Nyanmiɛn bɔ n ti nanwlɛfuɛ'n min dunman yɛ be `fa yo-ɔ. Be nga be waan be ´ta nda'n, be ´bo min Nyanmiɛn bɔ n ti nanwlɛfuɛ'n min dunman yɛ be ´fa ta-a .› » «Bé wla wa fi laa nyrɛnnɛn liɛ mun, n su wun-man nyrɛnnɛn sɔ mun kun.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Zeremi 44:26

Ndɛ nga Anannganman'n kusu kan'n yɛ ɔ o yɛ. Amun kwlaa amun `sie amún su tie. I waan: N kan m bɔbɔ min Nyanmiɛn kpli'n min ti kɛ yoo: amun Zidafuɛ nga amun wo Ezipt wa yɛ'n, nán amun fa min dunman be ta nda kɛ n kan Anannganman Nyanmiɛn kpli'n kun.

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Saun Yolɛ 19:12

Sɛ amun ´kan ndɛ-ɔ, nán an bo min dunman liɛ'n sa ngbɛn kɛ wie-ɔ: n kan Nyanmiɛn, bɔ amun fa i sɔ'n kpɛ gblɛ-ɔ. I sɔ'n ti min dunman'n i finfin yolɛ. Min yɛ n ti Anannganman amun Nyanmiɛn nin-ɔn.

Mise 2:7

?Kɛ ɔ ´yo sɔ'n, wuun Izraɛl nvle kpa'n, sannzan o i su ti-ɔ? ?Anannganman kpa'n, kɛ ɔ fa ya ndɛndɛ titi sɔ-ɔ?» Sanngɛ ndɛ nga n kɛnnin i lɛ'n, ɔ ti be nga be yo sa i nuan su'n be cenjele ndɛ.

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Zakari 5:3

Kpɛkuun i waan: «Sannzan ng'ɔ wa tɔ mɛn wunmuan'n su'n i wun fluwa-a. Ɔ ti klɛwa kɛ be ´kan awiefuɛ'm be kwlakwla be bo mɛn'n nun. Be kwlaa nga be ta nda ngbɛn-ngbɛn'n, be ´fuan be .

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Kalɛ 24:7

A wun be-ɔ, ɔ waan nzue b'ɔ fin nzue ti lika wie nun lɔ ɔ wa lualua fie mun'n sa. Izraɛlfuɛ'm be famiɛn'n ɔ kwla Agag, be nvle liɛ'n ɔ su nyan wunmiɛn dan kpa.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

Jean 4:24

Nyanmiɛn ti aolia nun sran, ɔ man be nga be waan be ´koto i bo be ´mɛnmɛn i'n, man be yo i sɔ be akunndan'n nun nanwlɛ nun.»

Rɔmfuɛ Mun 2:17

Sanngɛ amun'n, an flɛ amun wun Zuif, an di mmla'n su, an fa Nyanmiɛn di amún nuan,

Rɔmfuɛ Mun 9:6

Nanwlɛ, nán kɛ ndɛ nga Nyanmiɛn kannin'n ɔ'a kwlɛ-mɛn i yo ti-ɔ. Afin be kwlaa nga be fin Izraɛl osu nun'n, nán be ngba yɛ be ti Izraɛlfuɛ kpa-a.

Rɔmfuɛ Mun 9:8

Ɔ man, nán be nga be ti Abraam osufuɛ be awuliɛ nun'n be yɛ be ti Nyanmiɛn wa kpa-a, sanngɛ be nga Nyanmiɛn dun mmua seli kɛ be ´wu be'n, be yɛ be bu kɛ be ti i wa kpa-a.

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 33:28

Izraɛlfuɛ'm be o be olɛ lɛ bɔ cɛ, sa nyan-man be. Zakɔb i osu nunfuɛ'm be o be liɛ ngunmin. Mɛn nga be o nun'n, ble nin vinyi'n be yo ye lɔ kpa, afin bɔlɛ'n ɔ gua su tititi.

Mmla'n 5:28

Anannganman tili ndɛ nga amun kan kleli min'n nan ɔ'a se min kɛ: «N tili ndɛ nga Izraɛlfuɛ'm be kan kleli wɔ'n. Be ndɛ yo fɛ dan.

Mmla'n 6:13

Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

1 Timote 4:2

Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .