Ezai 47:9 - NYANMIƐN NDƐ'N 1998

⁹ Ɔ nyin bɔ a ´bo i bla-a, sa nnyɔn nga be o yɛ'n b'a ju wɔ su wia ba kunngba bo: ɔ mma'm be ´fi ɔ́ sa, yɛ a ´di angboti. Sa sɔ'm be ´ju ɔ su kekle kpa. Kannzɛ a ´yi wunnzue o, kannzɛ a ´di bae o, ngbɛn-ɔn !

Ezai 47:9 ပူးပေါင်းရင်းမြစ်များ

Jue Mun 73:19

Ɔo, srɛ dan b'ɔ kun be'n ti, be nunnun aliɛ ba kunngba nun weiin, nyrɛnnɛn wie yɛ ɔ kun be-ɔ, kpɛkuun be liɛ'n ɔ'a wie.

Ezai 13:16

Sran wie'm be ´yi sran sɔ'n bé wa nɔnman'm be ase, be ´tiatia be su be bɔbɔ be nyrun lɛ, sran wie'm be nin sran sɔ'm bé yi mun be ´la kekle nun.

Ezai 21:9

Nian, nnɛn kpanngɔ fufuɛ wie'n be ba, be ba nnyɔn-nnyɔn.» Ɔ kpannin kekle, ɔ seli ekun kɛ: «Babilɔni ɔ'a tɔ, Babilɔni ɔ'a tɔ. Lɔfuɛ'm be amuɛn'm be kwlakwla b'a bubu b'a gua .»

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Zeremi 15:9

Bla b'ɔ wuli ba yasua lele nso'n, yɛ ɔ lɛ-man wie kun yɛ, yɛ ɔ su wu yɛ. I nyrun'n, lika ɔ'a san sanngɛ wia'n tɛ o nun. Ɔ'a sokpa, ɔ'a wun nyannzuɛn. Be nga be ka lɛ'n, n ´yo man be wu be kpɔfuɛ'm be nyrun.» Anannganman'n yɛ ɔ kan sɔ-ɔ.

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Daniɛl 2:2

Ɔ yiali wunnzue yifuɛ fanunfanun'm be kwlaa kɛ be wa kɛnngɛn i laliɛ'm be kle i. Be bali yɛ be wa sin jrɛnnin i nyrun lɛ-ɔ.

Daniɛl 4:7

Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Naɔm 3:4

Niniv, a ti kɛ tekle bla sa, tekle nga a bo'n ɔ'a sɔn lele ɔ'a kpe nun. A fa ɔ klanman nin abonuan ninnge mun fa flɛ sran mun, a fa ɔ wlaka bolɛ'n fa mlin mɛn nin nvle sunman.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.

Rit I Wun Ndɛ 1:20

Yɛ Naomi waan: «Nán amun flɛ min Naomi , amun `flɛ min Mara , afin Nyanmiɛn b'ɔ kwla like kwlaa yo'n, ɔ'a wla min klunngbɔ.

Rit I Wun Ndɛ 1:5

kpɛkuun yasua nnyɔn'n, Maklɔn nin Kilzɔn b'a a wu. Bla'n i kunngba kali lɛ. I wa nnyɔn'n nin i wun'n b'a fi i sa.