Ezai 47:7 - NYANMIƐN NDƐ'N 1998

⁷ A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.

Ezai 47:7 ပူးပေါင်းရင်းမြစ်များ

Mmla'n 32:29

Sɛ ɔ ti kɛ be si ngwlɛlɛ'n, wuun be ´fa sunnzun ase be ´wun sa ng'ɔ wa ju'n.

Ezai 47:5

Kaldefuɛ'm bé wa bla, tran ase diin, yɛ fia aosin'n nun! Be su flɛ-man wɔ kɛ Famiɛn Diwlɛ'm Be Nun Dan'n kun.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Daniɛl 4:29

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i nin-ɔn.»

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Ezai 42:25

I sɔ'n ti, Anannganman fali ya Izraɛlfuɛ'm bé wun, yɛ ɔ man alɛ dan'n tɔli be su. Alɛ sɔ'n ɔ yoli kɛ sin sa, ɔ katali bé su kplu, sanngɛ b'a wun-man sa fi wlɛ. Sɛ e ´kwla se'n, sin sɔ'n ɔ yrali be, sanngɛ b'a bu-mɛn i ndɛ.»

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›

Ezai 57:1

Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ezekiɛl 7:2

«Klɔ sran, ndɛ nga bɔ min Anannganman Nyanmiɛn n kan kle Izraɛl asiɛ'n su fuɛ mun'n yɛ: ‹Awieliɛ'n yɛ, awieliɛ ɔ'a wie mɛn'n i bue nnan'n kwlaa.

Daniɛl 4:4

Kɛ wunnzue yifuɛ fanunfanun'm be bali'n, n kannin min laliɛ'n n kleli be, sanngɛ be nun kun sa ɔ'a kwla tu-mɛn i bo ɔ'a kle-man min.

Ezipt Lɔ Tulɛ'n 7:23

Famiɛn kacili i sin sili be, ɔ ɔli i awlo, ɔ'a bu-man ndɛ sɔ'n i ndɛ.