Ezai 47:4 - NYANMIƐN NDƐ'N 1998

⁴ Be flɛ e ti kpɔfuɛ'n kɛ Anannganman b'ɔ sie mɛn wunmuan'n, yɛ Izraɛl Nyanmiɛn.

Ezai 47:4 ပူးပေါင်းရင်းမြစ်များ

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 43:14

Anannganman b'ɔ kpɔ amun ti'n, b'ɔ ti Izraɛl Nyanmiɛn'n waan: «Amun ti yɛ n sunmannin sran kun Babilɔni lɔ nin-ɔn. N ´yo man lɔfuɛ'm be kwlaa be ´wanndi be ko fia be mmeli'm bɔ be fa di be nuan laa'n be nun.

Ezai 43:15

N ti Anannganman amun Nyanmiɛn, min nzuɛn nin klɔ sran liɛ'n ti-man kun min yɛ n yili Izraɛlfuɛ mun-ɔn, n ti amun famiɛn.»

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 51:15

N ti Anannganman amun Nyanmiɛn, min yɛ n keje jenvie'n nun yɛ man i nzue ɔ bo nin-ɔn. Min dunman'n yɛlɛ Anannganman b'ɔ sie mɛn wunmuan'n.

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Zeremi 31:11

Afin Anannganman'n ɔ'a kpɔ Izraɛlfuɛ'm be ti. Ɔ'a de be be kpɔfuɛ b'ɔ lɛ wunmiɛn tra be'n i sa nun.

Amɔs 4:13

I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»