Ezai 47:1 - NYANMIƐN NDƐ'N 1998

¹ Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Ezai 47:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 2:13

I sin be trannin i wun lɛ kɔnguɛ nin wia nun lele cɛn ba klonglo nso. Be nun kun sa ɔ'a uke-mɛn i nuan, afin be wunnin kɛ afɛ ng'ɔ o i su'n ɔ ti dan ngboko.

Zɔb I Nyrɛnnɛn Wunlɛ 2:8

I sɔ'n ti Zɔb fa talie bue yɛ ɔ fa fuɛnfuɛn i wun-ɔn. Yɛ ɔ ti nzuɛn'n nun.

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Jue Mun 18:27

Sran ng'ɔ ti saun'n, a yi ɔ saun bɔ a ti'n i nglo kle i. Sran nga kusu b'ɔ bu i wun ngwlɛlɛfuɛ'n, a yi ɔ ngwlɛlɛ'n i nglo kle i.

Jue Mun 89:44

A yoli man i tokofi'n trili. A jrɛn-mɛn i sin alɛ'n nun.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 21:1

Sa ng'ɔ wa ju jenvie'n i nuan aawlɛ flɛnnɛn'n i su'n. E kpɔfuɛ'm be fin aawlɛ flɛnnɛn'n nun mɛn ng'ɔ yo sro'n i nun lɔ be ba kɛ seke b'ɔ kpɛ b'ɔ sin mɛn'n i ngua lɔ kɔ'n sa.

Ezai 23:12

I waan: « Sidɔnfuɛ mun, amun su kwla bo sro-man kun, amun ti kɛ talua b'ɔ si-man bian bɔ be miɛnnin i be nin be lali'n sa. Kannzɛ a kɔ lele a kpɛ jenvie a ju Kitim'n, lɔ bɔbɔ a su de-man wunmiɛn.

Ezai 26:5

Be nga be tran oka'm be su'n, ɔ suli bé bo guali asiɛ wun wa. Sɛ klɔ'n b'ɔ o lika kendenglein su lɔ'n ɔ ti sran'n, wuun n ´se kɛ ɔ'a kɛn i ase lele ɔ'a ju ngua wa, ɔ'a su i bo a yi ndutre'n nun.

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 37:22

Nan nga m bɔbɔ ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

Ezai 52:2

Zerizalɛmfuɛ mun, amun `kplakpla amún wun ndutre'n gua. Amun `jaso nan amun `tran amun tranwlɛ laa'n nun. Siɔnfuɛ mun, amun bɔ amun ti kanga'n, amun `kpɛkpɛ jrɔkɔ'm bɔ be wo amun kɔmin'n be nun gua.

Zeremi 13:18

Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 46:11

Ɔo! Ezipt, wɔ bɔ a ti kɛ talua b'ɔ nian si-man bian le sa'n, ɔli kɔ Galaad lɔ ko fa lɔ nguɛn'n. Man a yo ayre'n sɛ, man a yo i sɛ, ɔ ti ngbɛn. Nán kɛ a wa jaso ti-ɔ.

Zeremi 48:18

Dibɔnfuɛ mun, Moab i nunnunfuɛ'n su ba amun su wie. Ɔ wa saci talɛ ng'ɔ sasa amun klɔ'n. Amun `jaso amun anyrunnyan dan'n nun amun tran asiɛ kee'n su.

Zeremi 50:1

Ndɛ nga Anannganman'n fa wlɛli i nuan ijɔfuɛ Zeremi nuan kɛ ɔ kan man Babilɔni nin i mɛn mun'n yɛ:

Zeremi 50:42

Bé sa nun ta nin cua. Be yo wlɛ, be si-man sran aunnvuɛ. Kɛ be kpan sa'n, ɔ waan jenvie'n yɛ ɔ su bo-ɔ. Be o be nnɛn kpanngɔ'm be su. B'a jranjran tɛɛn cɛ! Babilɔni, be nin wɔ yɛ b'a ba kunlɛ-ɔ.

Zeremi 51:1

Anannganman'n wan yoo: «N wa yo man aunngban kekle kpa ng'ɔ saci like'n ɔ ´fita Babilɔni mɛn'n nun. N ´fa fita Kaldefuɛ'm be su.

Zeremi 51:33

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Be sili Babilɔni su danme. Be sili su danme kɛ lika wie bɔ ɔ cɛ kan be su wa bo ble nun'n sa.»

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ngwlɛ Yilɛ 4:5

Sran nga b'a di aliɛ kpakpa'n lele ɔ'a ka be nun'n, a ´nian-an b'a glɔ awe'n dunman nun. Be nga bɔ kɛ ɔ fin be kaan nun lele sika ɔkwlɛ'n i nun yɛ be la kondo'n, a kɔ ´nian-an, be jin ofuɛ'n su be su kunndɛ like.

Ezekiɛl 26:16

Nvle-nvle nga be o jenvie nuan'n, be famiɛn'm be ´jaso be famiɛn bia'm be su. Be ´yi bé wun tralɛ dandan mun nin be tralɛ nga be di be nun aba'n. Srɛ'n ´kun be kpo. Be ´tran asiɛ wun, be ´usu sa lele. Wɔ agualiɛ ng'ɔ wa gua wɔ lɛ'n ti'n, be wawɛ'n ´wanndi bé wun.

Ezekiɛl 28:17

Ɔ klanman'n ti a tuli ɔ́ wun. A fali ɔ klanman fa sacili ɔ ngwlɛlɛ'n. N ´yi wɔ asiɛ'n su. N ´yo man famiɛn'm be ´yo wɔ kɛ ngowa kanlɛ like sa.

Zonas 3:6

Kɛ famiɛn'n tili ndɛ sɔ'n, ɔ jasoli i famiɛn bia'n su, ɔ yili i tralɛ'n, ɔ wlali bajɛ tralɛ yɛ ɔ trannin nzuɛn nun.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 2:7

Kpɛkuun anz ng'ɔ nin min koko yalɛ'n wunngeli anz kun wun lɔ, kɛ ɔ ´yo sɔ'n wuun i kusu su ba.

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›