Ezai 45:3 - NYANMIƐN NDƐ'N 1998

³ N ´fa ninnge kpakpa bɔ be o asiɛ'n nun'n, m ´man wɔ, n ´fa anyanbeun ninnge bɔ be ti fiawa'n m ´man wɔ kɛ ɔ ´yo nan w'a si kɛ n ti Anannganman, yɛ n ti Izraɛl Nyanmiɛn bɔ n fa ɔ dunman'n yɛ n fa flɛ wɔ'n ti.

Ezai 45:3 ပူးပေါင်းရင်းမြစ်များ

2 Be Nyoliɛ 6:17

Siɛn'n, Anannganman Izraɛl Nyanmiɛn, man ndɛ nga a kan kleli David b'ɔ ti ɔ sufuɛ'n i su sa'n yo.

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Ezipt Lɔ Tulɛ'n 33:12

Moiz seli Anannganman kɛ: «Anannganman, a seli min kɛ n dun mmua sran nga'm be nyrun, sanngɛ w'a kle-man min sran nga a ´sunmɛn i b'ɔ ´uka min'n. I kusu a seli min kɛ a si min dunman'n, yɛ a ´yo min ye.

Ezipt Lɔ Tulɛ'n 33:17

Anannganman seli Moiz kɛ: «Like nga a srɛli'n, n ´yo i su sɛsɛ yɛlɛ kɛ n waan n ´yo wɔ ye, yɛ n si wɔ dunman'n.»

Ezai 41:23

Amun `kan sa nga be wa ba'n kle ye. I liɛ'n, e si kɛ amun ti Nyanmiɛn sakpa. Amun `yo sa kpa kaan kun annzɛ kusu sa tɛ kaan kun man e nian, nan e kwlakwla e wun i weiin.

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 48:15

Min bɔbɔ, min yɛ m boli i ndɛ su-ɔ. I sin, n flɛli i, yɛ n yoli man ɔ bali. Sa ng'ɔ wa yo'n ɔ ´yo ye.

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Zeremi 41:8

Sran sɔ'm be nun blu be seli Ismaɛl kɛ: «Y'a fa ɔrz nin ngo, ɔ nin awɛma nzue y'a fiɛ i bo'n nun lɔ, i ti nán kun ye.» Ɔ man be liɛ'n, ɔ yacili be lɛ ɔ'a kun-man be wie.

Zeremi 50:26

Man Babilɔnifuɛ'm be kpɔfuɛ mun be fin wa be fin wa, be `kpuke be tanngannin'm be nun. Be `isa ninnge'm be bo i kofie. Be `nunnun klɔ'n, nán like fi ka lɛ.

Zeremi 50:37

Be `fa alɛ fuan be nnɛn kpanngɔ mun, be ´fa saci be alɛ kakaklolo mun. Be ´fa tu nvle-nvle nga be nin be ju be kun'n. Man be kaci kɛ bla sin sa. Man sran'm be `tɔ be bo ninnge kpakpa'm be su be fa.

Zeremi 51:13

Nja b'ɔ tran nzue dan'n i nuan'n, nja bɔ i bo ninnge'n be di-man be yalɛ'n, ɔ liɛ ɔ'a wie andɛ .

Zeremi 51:53

Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.