Ezai 43:3 - NYANMIƐN NDƐ'N 1998

³ Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 43:3 ပူးပေါင်းရင်းမြစ်များ

Bo Bolɛ 10:7

Kis wuli Seba, Avila, Sabta, Raɛma yɛ Sabtɛka. Raɛma wuli Seba yɛ Dɛdan.

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Ezipt Lɔ Tulɛ'n 10:7

Famiɛn'n i mantanfuɛ'm be seli famiɛn'n kɛ: «?Mantuan sɔ'n ´kle e nyrɛnnɛn sa lele ´ju cɛn onin? ?Sɛ ɔ ti sɔ-ɔ, wuun yaci Izraɛl yasua'm be nun nan be ko su Anannganman be Nyanmiɛn sɔ'n? ?A wun-man kɛ Ezipt mɛn'n su saci?»

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Nyanndra Mun 11:8

Nyrɛnnɛn'n ɔ san klun-ufuefuɛ'n i wun, kpɛkuun klunwifuɛ'n ɔ'a ko kpɛn i osu.

Nyanndra Mun 21:18

Klunwifuɛ'n yɛ klun-ufuefuɛ'n fa wla aowa-a. Gblɛfuɛ'n yɛ nanwlɛ difuɛ'n fa wla aowa-a.

Ezai 19:20

I sɔ'n ɔ wa yo nzɔliɛ b'ɔ kle kɛ Anannganman b'ɔ sie mɛn wunmuan'n wo Ezipt mɛn'n nun. Blɛ bɔ be ´kle Eziptfuɛ'm be yalɛ'n, sɛ be kpan flɛ Anannganman kɛ ɔ de be'n, ɔ ´blɛ be defuɛ kun b'ɔ ´jran bé sin, yɛ ɔ ´de be.

Ezai 20:3

Anannganman waan: «Kɛ min sufuɛ Ezai ɔ ´wlan sin bɔ i wun ngbɛn nin i ja ngbɛn'n, i afuɛ nsan yɛ, i sɔ'n ɔ ti nzɔliɛ, ɔ ti sa b'ɔ wa ju Eziptfuɛ mun nin Etiopifuɛ'm be su'n i nzɔliɛ.

Ezai 30:11

Amun `jaso nanwlɛ atin'n su, amun `yaci atin kpafuɛ'n. Nán amun bo Izraɛl Nyanmiɛn'n i dunman'n su kle ye kun.»

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 43:11

Min-ɔn, min kunngba cɛ yɛ n ti Anannganman nin-ɔn, defuɛ wie fi nun-man mín sin kun.

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Ezai 45:15

Izraɛl Nyanmiɛn, wɔ bɔ a de sran mun'n, nanwlɛ, a ti Nyanmiɛn kun bɔ a ti fiawa!

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 60:16

A wa nɔn nvle'm be nun nɔnnɔn'n, famiɛn'm be wa ta wɔ. I liɛ'n, a wa wun i wlɛ weiin kɛ n ti Anannganman, nan min yɛ n de wɔ-ɔ, yɛ min yɛ n kpɔ ɔ́ ti-ɔ, yɛ kusu n ti Zakɔb i Nyanmiɛn, n kwla.

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Zeremi 14:8

?Wɔ bɔ ɔ su yɛ Izraɛlfuɛ'm be fa be wla'n gua'n, wɔ bɔ sɛ sa tɔ be su-ɔ, wɔ yɛ a ti be defuɛ'n, ɔ yo sɛ ti yɛ a yo ɔ́ wun kɛ aofuɛ wie sa sɔ-ɔ? ?Ɔ yo sɛ ti yɛ a yo ɔ́ wun kɛ sran wie b'ɔ su sin kɔ i lika yɛ wa a sike sran cɛn kun sa sɔ-ɔ?

Zeremi 16:21

Anannganman waan: «I sɔ'n ti n wa kle be kɛ n lɛ kwlalɛ yɛ n kwla. Ɔ man be wa si kɛ min dunman'n yɛlɛ Anannganman.»

Ezekiɛl 39:7

N ´yo man min sran'm be ´si kɛ min nzuɛn'n nin klɔ sran liɛ'n ti-man kun, yɛ n su kplin-man su kun kɛ be saci min dunman fɛ'n. Yɛ nvle-nvlefuɛ'm be kusu be wa si jrɛiin kɛ n ti Anannganman Izraɛl Nyanmiɛn bɔ min nzuɛn nin klɔ sran liɛ'n ti-man kun.

Ndɛ Nga Nyanmiɛn I Nuan Ijɔfuɛ Oze Kannin'n 13:4

«Izraɛlfuɛ mun, kɛ amun ´fin Ezipt lɔ ´ba, m bɔbɔ min Anannganman yɛ n ti amun Nyanmiɛn-ɔn. Amun si-man Nyanmiɛn uflɛ kun san min kunngba cɛ. Defuɛ uflɛ fi nun-man lɛ san min.

Saun Yolɛ 11:44

M bɔbɔ min yɛ n ti Anannganman amun Nyanmiɛn nin-ɔn, amun `siesie amun nin min ye afiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ ´fa min liɛ'n. I sɔ'n ti nnɛn nga bɔ be cuɛn be wun ase'n, nán amun kan be nan fiɛn ɔ'a kan-man amun.

Amɔs 9:7

«?Izraɛlfuɛ mun, an bu amun klun lɔ kɛ min waan amun kpa tra Etiopifuɛ mun? Nán wafa kunngba nga n fali amun Ezipt lɔ m bali'n, yɛ n fali Filistifuɛ mun Kaftɔr lɔ m bali-ɔ? ?Nɛ́n i kunngba'n yɛ n fali Sirifuɛ mun Kir lɔ m bali-ɔ?»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!