Ezai 42:9 - NYANMIƐN NDƐ'N 1998

⁹ Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 42:9 ပူးပေါင်းရင်းမြစ်များ

1 Famiɛn Mun 11:36

Yɛ n ´fa akpasua kun m ´mɛn i wa'n, kɛ ɔ ´yo nan David b'ɔ ti min sufuɛ'n i osu'n nunfuɛ kun ɔ'a yo famiɛn Zerizalɛm lɛ blɛ kwlaa'n ti. Zerizalɛm klɔ sɔ'n yɛ n kpɛli i kɛ i nun yɛ n ´tran-an.

Ezai 43:19

Amun `nian, n wa yo sa uflɛ kun, be su wun i bue nuan bɔbɔ. ?Amun su ´wun-mɛn i wlɛ? N wa tike atin kun aawlɛ flɛnnɛn'n nun, yɛ n wa yo man nzue ba'm be ´sonji asiɛ kee'n nun.

Ezai 48:3

Sa klikli nga be juli'n, n dun mmua n kannin be ndɛ lalaa kpa. Be fin min nuan fiteli. N kali lɛ n yoli be, kpɛkuun be nuan yiali.

Ezai 48:5

i ti n dun mmua m boli sa sɔ'm be su n kleli amun lalaa. N dun mmua n kan kleli amun nan b'a ju, kɛ ɔ ´yo nan amu'an se-man kɛ: «Ye amuɛn mun yɛ be dili junman sɔ mun-ɔn, e waka sran mun annzɛ ye amuɛn nga be fali aaba yoli be'n yɛ be kannin sa sɔ mun yɛ be yoli be'n ti.»

Ezai 48:6

Amun tili sa nga m boli be su'n, yɛ amun wun kɛ i kwlaa'n i nuan yiali. ?Yɛ amun su kan-man sa sɔ mun kle-man sran? Kɛ ɔ fin ndɛ'n, n ´kle amun sa uflɛ bɔ n fiali bé su bɔ amun si-man be'n.

Jean 13:19

Kɛ sa sɔ'n nian ju-man'n, n ´kan kle amun biki sa nan sɛ be ju'n, an `lafi sran wafa nga n ti'n su.

Zozie 21:45

Kasiɛ nga Anannganman boli Izraɛl nvle'n i wie fi nun-man lɛ bɔ i nuan ɔ'a yia-man-an. I kwlaa kpɛnnin su.