Ezai 42:1 - NYANMIƐN NDƐ'N 1998

¹ Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Ezai 42:1 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 72:4

Man famiɛn'n bu yalɛfuɛ'm be ndɛ mun i atin su kɛ ɔ fata'n sa. Man ɔ de nyrɛnnɛnfuɛ mun. Man ɔ nunkun be bɔ be kle sran'm be yalɛ'n.

Jue Mun 89:4

A kannin kɛ: «N fua n kleli sran nga n kpɛli i'n, n tali David b'ɔ ti min sufuɛ'n i nda kɛ:

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 32:16

Be wa di jɔlɛ nanwlɛ aawlɛ flɛnnɛn sɔ'n nun, yɛ be wa yo sa i nuan su lika'n bɔ be tali waka nun'n i nun.

Ezai 41:8

Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Ezai 41:9

amun bɔ n ko fali amun asiɛ'n i awieliɛ lɔ'n, amun bɔ n ko flɛli amun mmua-mmua lɔ m bali'n, amun bɔ n seli amun kɛ: «Amun ti min sran mun, n kpali amun, n su yi-man amun blo,»

Ezai 42:2

Ɔ su kpan-man, ɔ su kpankpan-man fianfian. Yɛ ɔ ´yo man be su ti-mɛn i nnɛn'n klɔ nun atin'm be nun.

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 52:13

Anannganman waan: «Amun `nian, min sufuɛ'n i sa nun ninnge'm be ´yo ye. Ɔ ´yo dan, i dunman'n ´fu, ɔ ´nyan nyrun kpa.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezai 63:1

?Wan yɛ ɔ fin Bɔzra b'ɔ ti Edɔm mɛn'n i famiɛn klɔ'n su lɔ ba-a, b'ɔ wla tralɛ ɔkwlɛ youun nin-ɔn? Ɔ wla tralɛ dan kun b'ɔ ti klanman kpa, ɔ ´nanti-ɔ, i ti'n man su, ɔ nanti fanngan su. Anannganman waan: «Min bɔbɔ-ɔ, min bɔ n kan ndɛ i nuan su nin-ɔn, min bɔ n lɛ sran'm be delɛ'n i wun fanngan nin-ɔn.

Ndɛ Nga Nyanmiɛn I Nuan Ijɔfuɛ Aze Kannin'n 2:23

I cɛn sɔ nun'n, Sealtiɛl wa Zorobabɛl, wɔ bɔ a ti min sufuɛ, n ´fa wɔ. A ´yo kɛ min sa nzɔliɛ sa, afin wɔ yɛ m'an kpa wɔ-ɔ. M bɔbɔ min Anannganman bɔ n sie mɛn wunmuan'n, yɛ n kɛn i sɔ ndɛ mun-ɔn .› »

Zakari 3:8

«Zozie, wɔ bɔ a ti min nyrun jranfuɛ'm bé su kpɛn'n, a nin ɔ wiengu nga be uka wɔ'n, sa ng'ɔ su wa ba'n, amun yɛ amun ti i nzɔliɛ like nin-ɔn, n su wa fa min sufuɛ nga be flɛ i anyɛn'n m ´ba .

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

JÉSUS-CHRIST I DYASIN FE'N BO LUC KLELI'N 3:22

yɛ Nyanmiɛn Wawɛ'n jrɛli i su kɛ auble sa. Yɛ be tili sran kun nɛn nyanmiɛn su lɔ, sran sɔ'n ɔ seli kɛ: «A ti min anwlɛn su Ba, ɔ́ su yɛ m'an fa ń wla'n kwlaa a gua-a .»

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

JÉSUS-CHRIST I DYASIN FE'N BO LUC KLELI'N 4:19

yɛ n `kan afuɛ nga e Min Nyanmiɛn'n ɔ ´yo i sran'm be ye'n i ndɛ .»

JÉSUS-CHRIST I DYASIN FE'N BO LUC KLELI'N 9:35

Be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «N wa bɔ n kpɛli i'n yɛ. An `tie ndɛ ng'ɔ kan'n .»

Jean 16:32

Cɛn wie lele, cɛn sɔ'n ɔ'a ju bɔbɔ, amun kwlaa amun ´sanndi kɔ amun awlo, amun ´yaci n kunngba, sanngɛ ɔ su ka-man kunngba, afin min nin e Si'n yɛ e wo-ɔ.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 11:18

Kɛ be tili ndɛ sɔ'n, ɔ man be tɔli nun, yɛ be yili Nyanmiɛn ayɛ, yɛ be seli kɛ: «Kannzu sakpa Nyanmiɛn man be bɔ be ti-man Zuif'n be kusu be kacili be nzuɛn'n yɛ b'a nyan nguan wie.»

Sa nga bé yôli'n 28:28

I sɔ'n ti, man amun si kɛ Nyanmiɛn i sran'm bé delɛ ndɛ nga be fa mannin be bɔ be ti-man Zuif'n, be liɛ'n, be wa fa su .» [

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Filipfuɛ Mun 2:7

Ɔ'a bu-mɛn i sɔ'n like fi, ɔ yoli i wun kanga, ɔ yoli i wun kɛ klɔ sran sa.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

1 Piɛr 2:4

An `fa amun wun mɛntɛn i, afin ɔ o lɛ tititi. I yɛ ɔ ti yɛbuɛ bɔ sran'm be yili i blo bɔ sanngɛ Nyanmiɛn wunnin kɛ ɔ ti kpa b'ɔ fali nin-ɔn .

1 Piɛr 2:6

Afin be klɛli i Nyanmiɛn Ndɛ'n nun kɛ: «An `nian, n fali yɛbuɛ kpa kun bɔ n ´sie i Siɔn lɔ kɛ yɛbuɛ kpa b'ɔ tra sua'n i cɔnjɔ'n i ase'n sa, sran ng'ɔ lafi i su'n, i nyin su gua-man ase .»