Ezai 41:8 - NYANMIƐN NDƐ'N 1998

⁸ Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Ezai 41:8 ပူးပေါင်းရင်းမြစ်များ

2 Be Nyoliɛ 20:7

?E Nyanmiɛn, nán wɔ yɛ a fuannin mɛn nga nun sran mun Izraɛlfuɛ'm bɔ be ti ɔ nvle'n nun sran'n be nyrun nin-ɔn? ?Nán wɔ yɛ a fali mɛn nga mannin ɔ janvuɛ Abraam i osu'n nunfuɛ mun nin-ɔn?

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Jue Mun 136:21

Ɔ fali be mɛn'n mannin sran uflɛ mun kɛ be aja-a, afin i klun-ufue'n wo lɛ tititi.

Jue Mun 136:22

Ɔ fa mannin Izraɛlfuɛ mun bɔ be ti i sufuɛ'n kɛ ɔ ti bé aja like, afin i klun-ufue'n wo lɛ tititi.

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 29:22

I sɔ'n ti Anannganman b'ɔ deli Abraam'n, ɔ kan kle Zakɔb i osu nunfuɛ'm be kɛ: «Kɛ ɔ fin ndɛ'n, Zakɔb i nvle'n nunfuɛ'm be su wun-man nyannzuɛn kun, yɛ be nyrun'n su kpa-man fuai kun.

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Ezai 42:19

?Wan yɛ ɔ ti anyansifuɛ-ɔ? San min sufuɛ'n cɛ yɛ ɔ ti sɔ-ɔ. ?Wan yɛ ɔ ti sutrefuɛ-ɔ? San min jasin bofuɛ'n bɔ n sunmɛn i'n yɛ ɔ ti sɔ-ɔ? «?Wan yɛ ɔ ti anyansifuɛ kɛ sran nga i wun ɔ'a jɔ i'n sa-a? ?Wan yɛ ɔ ti anyansifuɛ kɛ Anannganman i sufuɛ'n sa-a?»

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 44:21

«Zakɔb i osu'n nunfuɛ mun, Izraɛlfuɛ mun, man amún wla kpɛn sa nga su: amun ti min sufuɛ mun, n yili amun kɛ amun yo min sufuɛ mun, Izraɛlfuɛ mun, ń wla fi-man amun su.

Ezai 45:4

Zakɔb i osu'n nunfuɛ bɔ be ti min sufuɛ'n be dunman nun ti, ɔ nin Izraɛlfuɛ'm bɔ n kplali be'n be dunman nun ti, n fali ɔ dunman'n n flɛli wɔ. N fali junman dan kun n wlali ɔ́ sa nun. I nun sɔ nun'n, wuun a si-man min bɔbɔ.

Ezai 48:12

Anannganman waan: «Amun Zakɔb osu'n nunfuɛ mun, amun Izraɛlfuɛ bɔ n flɛli amun'n, amun tie ndɛ nga n kan'n! M bɔbɔ min yɛ n ti ninnge'm be kwlaa be klikli nin-ɔn, yɛ kusu min yɛ n ti be kwlaa be kasiɛn nin-ɔn .

Ezai 49:3

Ɔ seli min kɛ: «Izraɛlfuɛ mun, amun bɔ n fa amun n fa yi min nyrun bɔ n lɛ i'n i nglo'n, amun ti min sufuɛ .»

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Zeremi 33:24

«?Ndɛ nga sran'm be kan'n, a ti? Be ko se kɛ: ‹Awlo nnyɔn nga Anannganman'n kpali be'n, ɔ yili be blo.› Nian kɛ be yo min nvle'n i finfin-ɔn. Ɔ ti-man nvle be nyrun kun.»

Saun Yolɛ 25:42

Min sufuɛ mun yɛlɛ Izraɛlfuɛ mun, afin min yɛ n fali be Ezipt mɛn'n nun lɔ m bali-ɔ. I sɔ'n ti ɔ fata-man kɛ be yo be atɛ kɛ be fa yo kanga'm be atɛ'n sa wie.

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Matthieu 3:9

Nán an bu amun anwlɛn'n nun se kɛ: ‹E nannan yɛlɛ Abraam,› afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun .

Galasifuɛ Mun 3:19

?Sɛ ɔ ti sɔ'n, mmla'n yo i liɛ nzu? Nyanmiɛn sieli i kusu nan be wun kɛ sa tɛ'n ti tɛ, yɛ be dili su lele fa juli Abraam osufuɛ nga ti yɛ Nyanmiɛn seli kɛ ɔ ´yo like wie mɛn i'n i balɛ. Anz mun yɛ be fa wlali sran kun b'ɔ jran sran'm bé nuan'n i sa nun yɛ ɔ fa bali-ɔ.

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Jacques 2:23

Kɛ ɔ yoli sɔ'n, ɔ man Nyanmiɛn Ndɛ nga be klɛli'n ɔ kpɛnnin su, be klɛli i kɛ: «Abraam lafili Nyanmiɛn su, ɔ man i su b'ɔ lafili'n ti, ɔ buli i sran kpa.» Yɛ Nyanmiɛn flɛli i i janvuɛ .