Ezai 41:7 - NYANMIƐN NDƐ'N 1998

⁷ Ajuin difuɛ'n ɔ wla sran ng'ɔ klo sika'n i fanngan, sran ng'ɔ kpita-kpita ninnge bé wun'n b'ɔ man be yo mlanmlan'n, ɔ́ wla blalɛ bofuɛ'n i fanngan. Kɛ b'a tannintannin ninnge mun'n, kpɛkuun i waan: «Ɔ ti kpa o!» Yɛ ɔ fa kpɛngbɛ bobo amuɛn ba'm be nun kɛ ɔ ´yo nan b'a yo kekleke'n ti.

Ezai 41:7 ပူးပေါင်းရင်းမြစ်များ

Ezai 41:6

Sran'm be uka-uka bé wun. Be se be wiengu kɛ: «Tra wɔ anwlɛn!»

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Jɔlɛ Difuɛ Mun 18:24

Mika waan: «?Kɛ amun usa min kɛ nzu ti yɛ n kpan'n, n wun-mɛn i wlɛ. Min amuɛn'n bɔ n yoli be'n, amun fali be, kpɛkuun amun fali min amuɛn'm be nyrun tranfuɛ'n ekun. ?Yɛ nzu yɛ ɔ ka mín sa nun-ɔn?»