Ezai 41:6 - NYANMIƐN NDƐ'N 1998

⁶ Sran'm be uka-uka bé wun. Be se be wiengu kɛ: «Tra wɔ anwlɛn!»

Ezai 41:6 ပူးပေါင်းရင်းမြစ်များ

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezai 40:19

Sran'm bɔ bé sa si ngwlɛlɛ'n, be yɛ be yi amuɛn mun-ɔn, be yɛ be klo like kɛ blalɛ sa'n be fa yo be-ɔ. Yɛ ajuin difuɛ'm be klo sika ɔkwlɛ gua amuɛn sɔ'm bé wun, kpɛkuun be fa jɛtɛ ufue jrɔkɔ kanngan sende-sende bé wun.

Ezai 41:5

Be nga be tran jenvie nuan mmua mmua lɔ'n, be wun i, yɛ srɛ kun be. Be nga be wo asiɛ'n i awieliɛ lɔ'n, be ba, be wunnge wa ɔ nin usulɛ.

Ezai 41:7

Ajuin difuɛ'n ɔ wla sran ng'ɔ klo sika'n i fanngan, sran ng'ɔ kpita-kpita ninnge bé wun'n b'ɔ man be yo mlanmlan'n, ɔ́ wla blalɛ bofuɛ'n i fanngan. Kɛ b'a tannintannin ninnge mun'n, kpɛkuun i waan: «Ɔ ti kpa o!» Yɛ ɔ fa kpɛngbɛ bobo amuɛn ba'm be nun kɛ ɔ ´yo nan b'a yo kekleke'n ti.

Ezai 44:12

Kɛ blalɛ bofuɛ'n ɔ ´bo kpɛliɛ'n, ɔ wlɛ i sin nun. I kunngba nin-ɔn, kɛ ɔ ´yi amuɛn'n kɛ ɔ yo i sɔ-ɔ, i sin ɔ fa marto finfin su. Ɔ fɛ i wunmiɛn'n kwlaa yɛ ɔ fa yo-ɔ. Sanngɛ kɛ awe kun i'n, kpɛkuun ɔ lɛ-man wunmiɛn kun, yɛ sɛ ɔ'a nɔn-man nzue'n, kpɛkuun ɔ su fɛ.