Ezai 41:23 - NYANMIƐN NDƐ'N 1998

²³ Amun `kan sa nga be wa ba'n kle ye. I liɛ'n, e si kɛ amun ti Nyanmiɛn sakpa. Amun `yo sa kpa kaan kun annzɛ kusu sa tɛ kaan kun man e nian, nan e kwlakwla e wun i weiin.

Ezai 41:23 ပူးပေါင်းရင်းမြစ်များ

Ezai 19:12

?Ɔ ngwlɛlɛfuɛ'm be o nin? Man be yi sa nga be ti fiawa'm be nglo kle wɔ. Yɛ man be kan sa nga Anannganman b'ɔ sie mɛn wunmuan'n ɔ guguli kɛ ɔ ´fa yo Ezipt mɛn'n.

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 43:9

?Man nvle-nvle'm be nunfuɛ'm be yia, man mɛnmɛn'm be nunfuɛ'm be tian bé nuan, be nun onin yɛ ɔ boli sa nga su-ɔ? ?Wan mun yɛ be kannin sa klikli'm bé wun ndɛ kleli ye-ɔ? Man be yi be lalofuɛ mun bla, man be kpli bé ti, man be ti be ndɛ nga be ´kan'n nan b'a kwla se kɛ: «Ɔ ti nanwlɛ!»

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ezai 45:3

N ´fa ninnge kpakpa bɔ be o asiɛ'n nun'n, m ´man wɔ, n ´fa anyanbeun ninnge bɔ be ti fiawa'n m ´man wɔ kɛ ɔ ´yo nan w'a si kɛ n ti Anannganman, yɛ n ti Izraɛl Nyanmiɛn bɔ n fa ɔ dunman'n yɛ n fa flɛ wɔ'n ti.

Ezai 46:7

Be suɛ i, be suɛ i be wati su, yɛ be fɛ i ko sie kan ɔ ´tran lɛ'n. Lɛ yɛ ɔ ka-a, ɔ tu-mɛn i bo kun, kannzɛ be kpan flɛ i-ɔ ɔ sro-man, ɔ de-man sran fi nyrɛnnɛn nun.

Zeremi 10:5

Ɔ ti kɛ like nga be sie i fie'm be nun be fa wlanwlan anunman mun'n sa. Be ijɔ-man, kusu be nanti-man, sran yɛ ɔ sua be-ɔ. Nán amun sro be. Be yo sran sa-a ɔ yo-man ye. Be yo i sa kpa kusu-ɔ ɔ yo-man ye.»

Daniɛl 2:9

Sanngɛ sɛ amu'an kan-man laliɛ'n b'a kle-man min'n, amun wa wun sa nga n ´fa wla amun kwlaa amun nun'n. ?Yoo, amun kwlaa amu'an cici nan amun ´kan ato nin gblɛ ndɛ mun ´kle min? Amun `kanngan laliɛ'n be kle min, i liɛ'n n ´si kɛ amun kwla tu i bo'n kusu be gua su.»

Jean 13:19

Kɛ sa sɔ'n nian ju-man'n, n ´kan kle amun biki sa nan sɛ be ju'n, an `lafi sran wafa nga n ti'n su.