Ezai 41:22 - NYANMIƐN NDƐ'N 1998

²² Amun `wunnge wa nan amun `kan sa nga be wa ju'n kle ye. Sa nga bɔ amun dun mmua kannin be laa bɔ be kpɛnnin su'n, amun `kan be kle ye. I liɛ'n e ´bu be akunndan, yɛ kɛ amun kannin'n, sa nga be juli i sin'n, i liɛ'n e ´wun be. Annzɛ kusu amun `kan sa nga be wa ba'n kle ye. I liɛ'n, e ´si kɛ sa nga wa ju.

Ezai 41:22 ပူးပေါင်းရင်းမြစ်များ

Ezai 41:26

?Wan yɛ ɔ dun mmua kannin sa sɔ'n bɔ man e kwla sili nun-ɔn? ?Wan yɛ ɔ dun mmua boli su lele nan ɔ'a ju bɔ man e kwla seli kɛ: «I ndɛ yo fɛ-ɔ?» Sran fi a kan-man, sran fi a ti-mɛn i kɛ be su kɛn i sɔ ndɛ, yɛ sran fi a kan-man amun nuan nun ndɛ fi y'a ti-man.

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 44:7

?Wan yɛ ɔ nin min sɛ-ɔ? Man ɔ kan nan ɔ tutu nun wein wein kle min. Man ɔ kan sa nga b'a ju kɛ n fali nvle nga nunfuɛ mun n sieli i lɛ i bo bolɛ lɛ nun lele b'ɔ fa ju yɛ'n. Yɛ kusu man ɔ yi sa nga be wa ju'n be nglo.

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 46:10

N dun mmua m bo sa'm be su lele yɛ be ju-ɔ. Sa nga be nian ju-man'n, n dun mmua n kan be ndɛ lele. N se kɛ: «Sa nga n siesie be kɛ n ´yo'n, be ´yo kpa. Yɛ i kwlaa nga min anwlɛn'n kle kɛ n `yo'n, n ´yo.»

Ezai 48:14

Amun kwlakwla amun `yia, yɛ amun `tie! ?Amun nun'n, wan mun yɛ be dun mmua boli sa nga'm be su-ɔ? Sran sɔ'n, n klo i, ɔ wa yia sa nga min waan ɔ ´fa yo Babilɔnifuɛ mun'n i nuan, yɛ i sa wa ´ti Kaldefuɛ mun.

Ezai 48:3

Sa klikli nga be juli'n, n dun mmua n kannin be ndɛ lalaa kpa. Be fin min nuan fiteli. N kali lɛ n yoli be, kpɛkuun be nuan yiali.

Jean 13:19

Kɛ sa sɔ'n nian ju-man'n, n ´kan kle amun biki sa nan sɛ be ju'n, an `lafi sran wafa nga n ti'n su.

Jean 16:14

Ɔ yo man n dunman'n ɔ ´fu, afin min ndɛ'n yɛ ɔ ´kan kle amun-ɔn.