Ezai 41:18 - NYANMIƐN NDƐ'N 1998

¹⁸ N ´yo man nzue ´fin kpɔlɛ kplekekpleke'm be nun ɔ ´nyrɛn. N ´yo man nzue ti'm be ´nyrɛn kongo'm be nun, aawlɛ flɛnnɛn'n ɔ ´kaci fɛtɛ, yɛ asiɛ kee'n ɔ ´kaci nzue lika.

Ezai 41:18 ပူးပေါင်းရင်းမြစ်များ

Jue Mun 104:10

Wɔ man nzue ti'm be nun nzue'n sin nzue mmuɛ'm be nun yɛ ɔ sonji oka'm be afiɛn.

Jue Mun 105:41

Ɔ kpacili yɛbuɛ nun, kpɛkuun nzue fin nun fiteli. Nzue'n sonjili asiɛ kee'n su kɛ nzue ba sa.

Jue Mun 107:35

Ɔ fa aawlɛ flɛnnɛn'n ɔ kaci fɛtɛ. Ɔ fa lika kee'n ɔ kaci nzue bo.

Jue Mun 126:4

Anannganman, fa e fuɛ nga be trali be lomuɛn mun bla. Man be balɛ sɔ'n ɔ yo kɛ nzue ba bɔ ɔ'a wu kee bɔ nzue ɔ'a tɔ kpɛkuun ɔ su sonji'n sa.

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 30:25

Sran'm be kunlɛ cɛn dan nun nin klɔ'm be sasawlɛ sua'm be bubulɛ blɛ nun'n, nzue ba wie'm be ´sonji oka kendenglein'm be kwlaa su nin kpɔlɛ nglo-nglo'm be kwlaa su.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Ezai 33:21

Lɛ yɛ Anannganman wa kle e kɛ ɔ ti dan sakpa nin-ɔn. Nzue ba kanngan mun nin nzue ba dandan'm be ´tran lɛ. Mmeli bɔ be fa tɛbua be fa kan'n be su sin-man be su. Mmeli ngbli-ngbli'm be su sin-man lɛ.

Ezai 35:1

Man aawlɛ flɛnnɛn'n nin asiɛ'n b'ɔ yo-man like ye'n, be klun jɔ. Man aawlɛ flɛnnɛn'n i wun kpɛjɛ i, man i nun ijre'm be bo nyrɛ.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 48:21

Asiɛ kee b'ɔ ´fa be ´sin nun'n, nzue we su kun-man be lɔ. Ɔ ´yo man nzue ´fin yɛbuɛ'n nun fite ɔ ´fa man be. Ɔ ´kpaci yɛbuɛ'n nun, kpɛkuun nzue'n su nyrɛn.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Zakari 14:8

Blɛ sɔ nun'n, nzue nyinma kun ´tɛ Zerizalɛm, ɔ ´sonji. I bue ´kɔ jenvie ng'ɔ o wia afiliɛ lɔ lika'n nun, i bue kusu ´sonji kɔ jenvie kun ng'ɔ o wia atɔliɛ lɔ'n nun. Wawa nun o, munngun nun o, kɛ ɔ'a nyan sonjilɛ'n, yɛ ɔ'a nyɛn i-ɔ.

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»

Jɔlɛ Difuɛ Mun 15:19

Yɛ Nyanmiɛn'n kpacili Lesi lɛ yɛbuɛ'n i nun-ɔn, kpɛkuun nzue fin yɛbuɛ buɛ nun fiteli. Yɛ Samsɔn nɔnnin nzue sɔ'n wie nan ɔ'a nyan fanngan ekun. I ti yɛ be tɔnnin nzue ti sɔ i dunman kɛ Sran Ng'ɔ Kpan Flɛ Sran'n i Nzue Ti nin-ɔn. Nzue ti sɔ'n tɛ o lɛ lele ndɛ.