Ezai 41:14 - NYANMIƐN NDƐ'N 1998

¹⁴ Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 41:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:25

N si kɛ min ti kpɔfuɛ'n ɔ lafi-man. Asiɛ nga su wa'n, i yɛ ɔ ´jaso kasiɛn ɔ ´kan ndɛ kasiɛn nin-ɔn .

Zɔb I Nyrɛnnɛn Wunlɛ 25:6

?Yɛ kakaa kɛ sran sa'n, yɛ kakaa ba kɛ klɔ sran sa'n, ɔ ´ko yo saun i nyrun sɛ?

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Jue Mun 22:6

Be kpan flɛli wɔ, yɛ a deli be. Be fali bé wla'n guali ɔ́ su, yɛ bé nyin a gua-man ase mlɔnmlɔn.

Jue Mun 46:5

Nzue ba kun wo lɛ bɔ kɛ ɔ ´sonji'n, ɔ man aklunjuɛ Nyanmiɛn i klɔ'n nun. Ɔ yo man aklunjuɛ o Nyanmiɛn b'ɔ like fi nun-mɛn i sin'n i tranwlɛ'm be nun lika kpa i nun.

Jue Mun 78:35

Kɛ ɔ ko yo sɔ'n, bé wla kpɛn su kɛ Nyanmiɛn ti kɛ yɛbuɛ sa. Be talo i. Bé wla kpɛn su kɛ Nyanmiɛn b'ɔ like fi nun-mɛn i sin'n yɛ ɔ ti bé ti kpɔfuɛ-ɔ.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 37:4

Atrɛkpa-a Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man Ezekias waan a srɛ Nyanmiɛn man be nga be ka lɛ mun.› »

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 43:14

Anannganman b'ɔ kpɔ amun ti'n, b'ɔ ti Izraɛl Nyanmiɛn'n waan: «Amun ti yɛ n sunmannin sran kun Babilɔni lɔ nin-ɔn. N ´yo man lɔfuɛ'm be kwlaa be ´wanndi be ko fia be mmeli'm bɔ be fa di be nuan laa'n be nun.

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 47:4

Be flɛ e ti kpɔfuɛ'n kɛ Anannganman b'ɔ sie mɛn wunmuan'n, yɛ Izraɛl Nyanmiɛn.

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Ezai 54:8

Anannganman b'ɔ ti amun ti kpɔfuɛ'n wan yoo: «Ya b'ɔ kunnin min dan'n ti n kacili ń sin n sili amun blɛ kan. Sanngɛ klolɛ bɔ n klo amun titi'n ti, n wa si amun aunnvuɛ.

Ezai 59:20

Sran kun su ba, ɔ wa de Siɔnfuɛ mun, ɔ wa de Zakɔb osu'n nunfuɛ'm bɔ be kaci bé sin si bé sa tɛtɛ bɔ be yo be'n. Anannganman yɛ ɔ kan sɔ-ɔ.

Ezai 60:16

A wa nɔn nvle'm be nun nɔnnɔn'n, famiɛn'm be wa ta wɔ. I liɛ'n, a wa wun i wlɛ weiin kɛ n ti Anannganman, nan min yɛ n de wɔ-ɔ, yɛ min yɛ n kpɔ ɔ́ ti-ɔ, yɛ kusu n ti Zakɔb i Nyanmiɛn, n kwla.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Zeremi 46:27

«Izraɛlfuɛ mun, nán srɛ kun amun, amun `yaci usulɛ'n. An `se kɛ sɛ, n su wa de amun mɛn b'ɔ o mmua'n nun lɔ m ´ba. N su wa de amun osu nunfuɛ mun be kanga mɛn'n nun lɔ m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ.

Zeremi 50:34

Sanngɛ bé ti ngondin tufuɛ'n ɔ lɛ wunmiɛn. Be flɛ i kɛ: Anannganman B'ɔ Sie Mɛn Wunmuan'n. Ɔ ´tu bé ti ngondin. Ɔ man be mɛn'n ´nyan fɔundi. I kunngba'n man Babilɔnifuɛ'm bé wun ´usu be.»

Ngwlɛ Yilɛ 3:57

Kɛ n flɛli wɔ'n, a wunngeli mín wun. A seli min kɛ: «Nán srɛ kun wɔ .»

Daniɛl 10:12

Ɔ seli min ekun kɛ: ‹Daniɛl, nán srɛ kun wɔ! Kɛ ɔ fin i cɛn klikli bɔ a kannin ɔ́ wun ase ɔ Nyanmiɛn'n i nyrun'n, bɔ a nyannin anwlɛn kɛ a ´kunndɛ sa nga be juli'n bé bo'n, Nyanmiɛn tili ɔ srɛlɛ'n, kpɛkuun n kusu n fali atin'n kɛ n ´fɛ i su tɛlɛ'n n fa blɛ wɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:9

Min ya dan nga n fali'n, n su yo-mɛn i su sa, n su saci-man Efraim kun, afin nán klɔ sran yɛlɛ min, Nyanmiɛn yɛlɛ min, n ti min liɛ ngunmin. N ti Nyanmiɛn yɛ n wo amun afiɛn lɛ-ɔ. I sɔ'n ti'n, n su ba-man amún wun ya su.»

Matthieu 7:14

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Mmla'n 7:7

Nán kɛ amun sɔnnin tra nvle'm be kwlakwla ti yɛ Anannganman fali amun mɛntɛnnin i wun-ɔn. I kpa'n bɔ amun yɛ amun ti nvle'm be nun kaan nin-ɔn.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Zozie 17:18

Oka lika ng'ɔ ti bo ngunmin lɛ'n i kwlaa ti amun liɛ. Amun `sɔn nan amun `fɛ i kwlaa. Amun `kan Kanaanfuɛ mun bé bo, kannzɛ be lɛ blalɛ kakaklolo o, kannzɛ be ti sɛ be ti sɛ o san amun ´kwla be!»

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .