Ezai 41:13 - NYANMIƐN NDƐ'N 1998

¹³ N ti Anannganman amun Nyanmiɛn, n sɔ amún sa. Min yɛ n se amun kɛ: «Nán srɛ kun amun nan n ´uka amun nin-ɔn.»

Ezai 41:13 ပူးပေါင်းရင်းမြစ်များ

Jue Mun 109:31

Afin ɔ jran yalɛfuɛ'n i sin. Ɔ de i be nga be bu i fɔ'n bé sa nun.

Jue Mun 118:7

Anannganman ti min ukafuɛ, n wun min kpɔfuɛ mun bɔ bé nyin gua ase alɛ'n nun'n be sokpalɛ'n nun.

Jue Mun 63:8

Afin a ti min ukafuɛ, kɛ n wo ɔ ndɛwa'n bo'n, min klun'n ti jɔwa ti n kpan kpan.

Jue Mun 73:23

Sanngɛ e nin wɔ yɛ e o nun titi-ɔ. A trali mín sa'n, yɛ e nin wɔ e nanti titi-ɔ.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezipt Lɔ Tulɛ'n 20:20

Moiz tɛli bé su kɛ: «Nán srɛ kun amun. Nyanmiɛn waan ɔ ´sa amun nian, i ti yɛ ɔ mantannin amun-ɔn. Ɔ kunndɛ kɛ amún nyin yi i kɛ ɔ ´yo nan amu'an yo-man sa tɛ'n ti.»

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 45:1

Anannganman kan ndɛ kle Siris b'ɔ sieli i ngunmin'n, bɔ i waan ɔ `tia nvle'm be su nan ɔ `de famiɛn'm be tinmin'n mɛn i'n, yɛ ɔ `tike klɔ'm bé wun talɛ'm be anuan mun mɛn i nan nán be nyin be kun'n, ndɛ'n b'ɔ kan'n yɛ:

Ezai 51:18

Amun mma nga amun wuli be'n, be nun kun sa ɔ'a dun-man mmua amun nyrun a kle-man amun atin. Ba nga amun tali be'n, be nun kun sa a tra-man amún sa.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 46:27

«Izraɛlfuɛ mun, nán srɛ kun amun, amun `yaci usulɛ'n. An `se kɛ sɛ, n su wa de amun mɛn b'ɔ o mmua'n nun lɔ m ´ba. N su wa de amun osu nunfuɛ mun be kanga mɛn'n nun lɔ m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ.

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.