Ezai 41:11 - NYANMIƐN NDƐ'N 1998

¹¹ Amun `nian, be kwlaa nga be fa amún wun ya'n, nyannzuɛn ´kun be, yɛ bé nyin ɔ ´gua ase. Be nga be kunndɛ amun nin ngondin'n, be ´wie, be ´nunnun mlɔnmlɔnmlɔn.

Ezai 41:11 ပူးပေါင်းရင်းမြစ်များ

Ezipt Lɔ Tulɛ'n 11:8

Kpɛkuun ɔ mantanfuɛ nga be o yɛ'n be kwlaa be wa koto mín bo sa klo, yɛ be ´se min kɛ: ‹A nin ɔ sran mun amun `wɔ,› kpɛkuun, wuun n su kɔ.» Moiz fali ya dan kpa nan ɔ'a jaso famiɛn'n i awlo lɔ ɔ'a ɔ.

Ezipt Lɔ Tulɛ'n 12:29

Kɔnguɛ afiɛn'n, Anannganman yoli man ba klikli nga be o Ezipt mɛn'n nun'n be wuli. Kɛ ɔ fɛ i famiɛn'n b'ɔ o famiɛn bia'n su'n i wa klikli'n i su'n lele fa ju i bisuafuɛ'm be wa klikli liɛ'm be su'n be kwlaa be wuli. Nnɛn'm bé wa klikli liɛ'm be wuli wie.

Ezipt Lɔ Tulɛ'n 23:22

Sɛ amún nyin yi i kpa'n, nan amun yo like nga n se amun kɛ amun yo'n, amun kpɔfuɛ'm be ´yo min kpɔfuɛ wie, yɛ e nin be nga be nin amun be kun alɛ'n e ´kun.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Ezai 29:5

Amun kpɔfuɛ'm be ´yo kpanngban kɛ ndutre sa, sran'm bɔ be kle amun yalɛ'n, be ´yo kɛ ijre'n b'ɔ jaso yengeiin blɛ bɔ aunngban'n ɔ fita'n sa. Amun nyin bɔ amun ´bo i bla-a, be yɛ be o yɛ.»

Ezai 29:7

Nvle kpanngban nga be nunfuɛ'm be nin amun wa kun'n, ɔ ´yo kɛ laliɛ nun annzɛ aolia nun sa. Be kwlaa nga be wa tɔ amun su'n, bɔ be wa tɔ klɔ'n i sasalɛ lika'n su'n, ɔ ´yo sɔ ekun.

Ezai 29:8

Sran bɔ awe kun i'n, bɔ kɛ ɔ ´cɛn laliɛ-ɔ ɔ su di like sanngɛ kɛ ɔ ´jaso-ɔ i ku'n ti paplapa'n, sran bɔ nzue we kun i'n bɔ kɛ ɔ ´cɛn laliɛ-ɔ ɔ su nɔn nzue sanngɛ kɛ ɔ ´tinnge-ɔ, i wunmiɛn'n ɔ'a wie i nun kpɛkuun i konviabo'n ti usi-usi'n, i kunngba nin-ɔn, nvle kpanngban nga be nunfuɛ'm be nin Zerizalɛmfuɛ'm be wa kun'n, kɛ be ´yo sɔ-ɔ.

Ezai 34:12

I su sran kpakpa'm be wie fi su ka-man lɛ nan se kɛ be ´kan famiɛn sielɛ ndɛ. Famiɛn i awlo lɔ sran dandan wie fi su tran-man lɛ.

Ezai 40:17

Kannzɛ be kan nvle-nvle'm be kwlaa bo nun'n, be ti-man like fi i nyrun, be ti kɛ be nun-man mɛn'n nun sa.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 41:24

Amun `nian, amun ti-man like fi mlɔnmlɔn, yɛ ninnge nga amun yo be'n, be ti ninnge ngbɛn-ngbɛn ngunmin. Sran ng'ɔ fɛ i wun wla amun sa nun'n, wuun ɔ'a bo tete dan .

Ezai 41:29

Amun `nian, be ti-man like fi mlɔnmlɔn, yɛ ninnge nga be yo be'n be ti ninnge ngbɛn-ngbɛn ngunmin. Be amuɛn'm be ti kɛ aunngban b'ɔ fita vuu ngbɛn'n sa, nán like fi yɛlɛ be.

Ezai 45:24

Be ´se kɛ: «Anannganman kunngba cɛ yɛ ɔ di nanwlɛ-ɔ, i kunngba cɛ yɛ ɔ lɛ wunmiɛn-ɔn.» Be kwlaa nga be jasoli i wun'n, be ´bɛ i sin, yɛ be ´wun nyannzuɛn .

Ezai 49:25

Ɛɛn, sran nga safunyrɛn'n trɛli i'n, ɔ ´flo i sa nun, like nga be bɔ be sie sran mun kekle su'n be fali'n, be ´de bé sa nun. E nin amun kpɔfuɛ mun e ´kun, yɛ n ´de amun mma mun, Anannganman yɛ ɔ kan sɔ-ɔ.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 54:15

Sɛ be waan be nin amun be ´kun'n, i sɔ'n su fin-man min lika. Sran ng'ɔ fa alɛ wla amún sin'n, n ´yo man ɔ ´tɔ.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Zeremi 12:17

Sanngɛ nvle nga i waan ɔ di-man su'n, n ´tu i bo kɛ waka sa, n ´kun i.› » Anannganman'n yɛ ɔ kan sɔ-ɔ.

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Sa nga bé yôli'n 16:39

Be ko kpatali be, nan b'a yaci be nun, be srɛli be kɛ be jao be klɔ'n su.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .