Ezai 41:10 - NYANMIƐN NDƐ'N 1998

¹⁰ nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:10 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 31:5

nan ɔ'a se be kɛ: «Kɛ n nian amún si'n, n wun kɛ ɔ nin min yo-man kɛ laa'n sa, sanngɛ mín si i Nyanmiɛn'n ɔ'a yi-man min ase.

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

2 Samiɛl 22:19

I nun bɔ n wo nyrɛnnɛn nun'n, n kpɔfuɛ'm be wa fuli min nun, sanngɛ Anannganman suannin mín bo.

1 Be Nyoliɛ 12:18

David kpali be atin, yɛ ɔ seli be kɛ: «Sɛ wɛtɛɛ su yɛ amun wa toli min'n, yɛ sɛ min ukalɛ yɛ amun bali'n, n ´sɔ amun nun klanman. Sɛ kusu amun ba kɛ amun wa laka min nan min kpɔfuɛ'm be `nyan min'n, kusu wuun m'an yo-man sa fi'n, man e nannan'm be Nyanmiɛn'n wun amun, yɛ ɔ nin amun `kan.»

2 Be Nyoliɛ 20:17

Nán amun yɛ amun wa kun alɛ nga-a. Amun li amun ko jranjran, kpɛkuun amun ka amun osu nun lɛ, yɛ amun wa wun delɛ nga Anannganman ´de amun'n. Zidafuɛ mun nin Zerizalɛmfuɛ mun, nán amun sro, nán srɛ kun amun. Ainman'n, amun `ko bu be nyrun, Anannganman ´jran amún sin.› »

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Jue Mun 144:11

De min aofuɛ mun bɔ be kan gblɛ ndɛ mun, bɔ be ta nda kpɛkuun be di-man su'n, bé sa nun.

Jue Mun 144:8

Be kan gblɛ ndɛ mun. Be ta nda kpɛkuun be di-man su.

Jue Mun 145:14

Be kwlaa nga be tɔ'n, Anannganman suan bé bo. Be kwlaa nga b'a cia'n, ɔ tinngɛ be.

Jue Mun 147:12

Zerizalɛmfuɛ mun, amun `yi Anannganman i ayɛ. Siɔnfuɛ mun, amun `manman amun Nyanmiɛn'n.

Jue Mun 18:36

Anannganman, a ti kɛ nyrɛn sa, a sasa min, a de min, a yo min kpa ti n yo dan n kɔ min nyrun tititi.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 29:11

Man Anannganman ɔ man i nvle'n nunfuɛ'm be fanngan. Man Anannganman ɔ yrɛ i nuan man i nvle'n nunfuɛ mun, ɔ `yo man bé wun jɔ be fɔuun.

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 37:17

Afin klunwifuɛ'm be kwlalɛ'n ɔ wa wie. Sran kpa'm be liɛ'n, Anannganman suan be bo.

Jue Mun 37:24

Sɛ ɔ tɔ'n, ɔ ka-man asiɛ wun lɛ, afin Anannganman suɛn i bo.

Jue Mun 41:12

Sɛ a yo nan min kpɔfuɛ'm b'a nyan-man min b'a kwla-man min'n, i liɛ'n, n ´wun kɛ a klo mín sa sakpa.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Jue Mun 63:8

Afin a ti min ukafuɛ, kɛ n wo ɔ ndɛwa'n bo'n, min klun'n ti jɔwa ti n kpan kpan.

Jue Mun 65:5

Sran nga a kpɛ i bɔ a fɛ i mantan ɔ wun nan ɔ tran ɔ sua nun'n, i liɛ su ti ye! Ɔ sua'n nun lɔ ninnge kpakpa'n bɔ be man sran muae'n, e waan e ´fa wie é ti é wun nyanman nun!

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezipt Lɔ Tulɛ'n 20:20

Moiz tɛli bé su kɛ: «Nán srɛ kun amun. Nyanmiɛn waan ɔ ´sa amun nian, i ti yɛ ɔ mantannin amun-ɔn. Ɔ kunndɛ kɛ amún nyin yi i kɛ ɔ ´yo nan amu'an yo-man sa tɛ'n ti.»

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezai 37:6

Ezai seli be kɛ: «Amun `ko se amun si kɛ Anannganman waan: ‹Nzowa nga Asiri famiɛn'n i sran'm be kpɛli min bɔ a tili'n, nán man ɔ kun wɔ srɛ.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 44:2

Min Anannganman bɔ n yili amun'n, bɔ m boli amun falɛ nan b'a wu amun'n, bɔ n ti amun ukafuɛ'n, min wan yoo: «Zakɔb i osu'n nunfuɛ'm bɔ amun ti min sufuɛ mun'n, Izraɛlfuɛ mun bɔ n kpali amun'n, nán srɛ kun amun.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Ezai 50:9

Be `nian, Anannganman Nyanmiɛn ɔ ´ba min ukalɛ. ?Wan yɛ ɔ kwla bu min fɔ-ɔ? Min kpɔfuɛ'm be kwlaa be wunmiɛn'n ɔ ´wie, be ´yo kɛ tralɛ tafuɛn bɔ nvɔlɛ di'n sa .

Ezai 52:7

Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Ezai 60:19

Nán wia'n yɛ ɔ wa kpaja ɔ́ su wia'n nun kun-ɔn, nán anglo'n yɛ ɔ wa ta ɔ́ su kɔnguɛ kun-ɔn, sanngɛ Anannganman yɛ ɔ ´yo kɛ ɔ kannin sa tititi-ɔ. Ɔ Nyanmiɛn'n yɛ ɔ ´yo kɛ like b'ɔ kpaja ɔ su sa-a .

Ngwlɛ Yilɛ 3:57

Kɛ n flɛli wɔ'n, a wunngeli mín wun. A seli min kɛ: «Nán srɛ kun wɔ .»

Daniɛl 10:12

Ɔ seli min ekun kɛ: ‹Daniɛl, nán srɛ kun wɔ! Kɛ ɔ fin i cɛn klikli bɔ a kannin ɔ́ wun ase ɔ Nyanmiɛn'n i nyrun'n, bɔ a nyannin anwlɛn kɛ a ´kunndɛ sa nga be juli'n bé bo'n, Nyanmiɛn tili ɔ srɛlɛ'n, kpɛkuun n kusu n fali atin'n kɛ n ´fɛ i su tɛlɛ'n n fa blɛ wɔ.

Daniɛl 6:16

Sanngɛ Daniɛl i kpɔfuɛ'm be sali bé sin ndɛndɛ kpa famiɛn'n i wun lɔ. Be seli i kɛ: «Nannan, a si jrɛin kɛ e Medifuɛ nin e Pɛrsfuɛ e mmla'n nun'n, famiɛn'n i ndɛ kun ng'ɔ ko kan'n, wuun ɔ'a kan, be kwla kpɛ-mɛn i wun kun.»

Ndɛ Nga Nyanmiɛn I Nuan Ijɔfuɛ Oze Kannin'n 1:9

Anannganman seli Oze kɛ: «Flɛ i kɛ Aofuɛ, afin nán min sran yɛlɛ amun kun, amun kusu nán amun like fi yɛlɛ min kun.»

Ndɛ Nga Nyanmiɛn I Nuan Ijɔfuɛ Aze Kannin'n 1:13

Anannganman kannin ndɛ kleli Aze b'ɔ ti sran b'ɔ sunmɛn i'n, yɛ i kusu niannin su kan kleli be-ɔ. I waan: «N jin amún sin, m bɔbɔ min Anannganman yɛ n fua n kle amun sɔ-ɔ.»

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Zakari 10:12

N ´yo man min sran'm be ´yo yasua. Be ´nian min dunman'n su yɛ be ´nanti-ɔ. M bɔbɔ min Anannganman'n, min yɛ n kan sɔ-ɔ.»

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

JÉSUS-CHRIST I DYASIN FE'N BO LUC KLELI'N 1:13

Yɛ anz'n seli i kɛ: «Zakari, nán srɛ kun wɔ, afin ndɛ nga a kan kleli Nyanmiɛn'n, ɔ tili. Ɔ yi Elizabɛt ɔ wa wu ba yasua kun man wɔ, a ´tɔn i dunman Zan.

JÉSUS-CHRIST I DYASIN FE'N BO LUC KLELI'N 1:30

Anz'n seli i kɛ: «Mari, nán srɛ kun wɔ, afin Nyanmiɛn a bu wɔ sran.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Efɛzfuɛ Mun 3:16

Kɛ anyrunnyan ninnge'm be sɔnnin i sa nun'n dan'n ti'n, n srɛ i kɛ i Wawɛ'n wla amun fanngan nan an tra amun anwlɛn yɛ an jran kekle

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Jɔlɛ Difuɛ Mun 6:16

Anannganman seli i kɛ: «Ɔ nin i sɔ ngba'n, n wa jran ɔ́ sin, a wa kwla Madianfuɛ mun kɛ sran kunngba yɛ a nin i be su kun sa.»